ઇન્ડિયન એરફોર્સે અગ્નિવીર વાયુ ભરતીનું પરિણામ કર્યું જાહેર, સત્તાવાર વેબસાઇટ પર જુઓ સ્કોરકાર્ડ

IAF Agniveer Vayu Result: ભારતીય વાયુ સેના (IAF) દ્વારા IAF અગ્નિવીર વાયુ પરીક્ષા 2025ના પ્રથમ તબક્કાના પરિણામો જાહેર કરવામાં આવ્યા છે. જે ઉમેદવારો આ પરીક્ષામાં બેઠા હતા, તેઓ હવે સત્તાવાર વેબસાઇટ agnipathvayu.cdac.in પર જઈને પોતાનું પરિણામ ચકાસી શકે છે. આ લેખિત પરીક્ષા, જે કમ્પ્યુટર-આધારિત 25 સપ્ટેમ્બરના રોજ લેવાઈ હતી, તેનું પરિણામ ઉમેદવારો ઉપરોક્ત સત્તાવાર વેબસાઇટ પર જોઈ શકશે.

પરિણામ જોવા માટે ઉમેદવારોને પોતાના યુઝરનેમ અથવા ઈમેઇલ આઇડી અને પાસવર્ડની જરૂર પડશે. આની મદદથી લોગિન કર્યા પછી ઉમેદવારો પોતાના માર્ક્સ જોઈ શકશે. અગ્નિવીર વાયુ પ્રવેશ 02/2026 ચરણ 1 કુલ 2500 ઉમેદવારોની ભરતી માટેના પ્રથમ તબક્કા તરીકે 85 મિનિટના સમયગાળા માટે આયોજિત કરવામાં આવ્યો હતો.

આ રીતે જુઓ તમારું પરિણામ

- સૌથી પહેલા વાયુસેનાની સત્તાવાર વેબસાઇટ agnipathvayu.cdac.in પર જાઓ.

- અહીં હોમપેજ પર તમને 'Result Of Phase-I Online Examination Agniveer INTAKE 02/2026' જેવી લિંક જોવા મળશે.

- આ લિંક પર ક્લિક કરતાં જ તમારી સ્ક્રીન પર લોગિન ડેશબોર્ડ ખુલશે.

- ત્યાં તમારું યુઝર આઈડી, ઈમેઇલ આઈડી અને પાસવર્ડ ભરો અને સાથે કેપ્ચા કોડ નાખો.

- સબમિટ કરતાં જ તમારી સામે તમારું સ્કોર કાર્ડ આવી જશે.

- આ સ્કોર કાર્ડમાં તમને વિષયવાર (Subject-wise) તમારા માર્ક્સ જોવા મળશે.

લેખિત પરીક્ષા પછી હવે ફિઝિકલ(શારીરિક કસોટી)ની તૈયારી

જે ઉમેદવારોએ લેખિત પરીક્ષા (Written Exam) પાસ કરી છે, તેમને હવે પછીના તબક્કા એટલે કે ફિઝિકલ ટેસ્ટ (શારીરિક કસોટી) માટે બોલાવવામાં આવશે. આમાં ફિઝિકલ ફિટનેસ ટેસ્ટ (PFT) લેવામાં આવશે.

ફિઝિકલ ટેસ્ટ (PFT) કેવી રીતે થશે?

PFT-1 (દોડ):

- પુરુષ ઉમેદવારોએ 1.6 કિલોમીટરની દોડ 7 મિનિટમાં પૂરી કરવાની રહેશે.

- મહિલા ઉમેદવારોએ 1.6 કિલોમીટરની દોડ 8 મિનિટમાં પૂરી કરવાની રહેશે.

આ પણ વાંચો: T20 વર્લ્ડ કપ 2026ની ફાઈનલ મેચ અમદાવાદના સ્ટેડિયમમાં રમાશે, રિપોર્ટમાં દાવો

PFT-2:

પુરુષો માટે: 10 પુશઅપ્સ, 10 સિટ-અપ્સ અને 20 સ્ક્વૉટ્સ (બેઠક) દરેક 1-1 મિનિટમાં લગાવવા પડશે.

મહિલાઓ માટે: 10 સિટ-અપ્સ માટે 1 મિનિટ 30 સેકન્ડ અને 15 સ્ક્વૉટ્સ માટે 1 મિનિટનો સમય આપવામાં આવશે.

આ પછી, એડેપ્ટેબિલિટી ટેસ્ટ 1 અને એડેપ્ટેબિલિટી ટેસ્ટ 2 પાસ કરનાર ઉમેદવારોનું અંતિમ તબક્કામાં મેડિકલ એક્ઝામિનેશન (તબીબી તપાસ) થશે. વાયુસેના તેની સત્તાવાર વેબસાઇટ પર સમય આવ્યે ફિઝિકલ ટેસ્ટની તારીખો જાહેર કરશે.