CJP બનાવી પણ ‘કોકરોચ’ ચૂંટણી ચિહ્ન મળવું મુશ્કેલ, જાણો ચૂંટણી પંચના નિયમો
Summarized by AI; it may make mistakes. Check important info
Summarized by AI; it may make mistakes. Check important info
Cockroach Janata Party : અમેરિકાના બોસ્ટન શહેરમાં રહેતા અભિજીત દિપકે નામના વ્યક્તિએ માત્ર પાંચ દિવસ પહેલા ઓનલાઇન ‘કોકરોચ જનતા પાર્ટી’ (CJP) બનાવી છે. પોતાના મજેદાર અને સરકાર વિરોધી અંદાજને કારણે આ પાર્ટી સોશિયલ મીડિયા પર ખૂબ વાયરલ થઈ છે.
CJPનું એક્સ એકાઉન્ટ બંધ
ઈન્સ્ટાગ્રામ પર આ વર્ચ્યુઅલ પાર્ટીએ દુનિયાની સૌથી મોટી પાર્ટી ભાજપને પણ પાછળ છોડી દીધી છે અને તૃણમૂલ કોંગ્રેસના બે સાંસદો પણ સોશિયલ મીડિયા પર આમાં જોડાયા છે. જોકે, ભારતમાં ગુરુવારે આ પાર્ટીનું એક્સ એકાઉન્ટ બંધ કરી દેવામાં આવ્યું છે.
ચિહ્ન અંગે ચૂંટણી પંચનો નિયમ
હવે સવાલ એ છે કે, જો આ પાર્ટી ભવિષ્યમાં ખરેખર ચૂંટણી લડે, તો શું તેને 'કોકરોચ' કે મોબાઈલ ફોનનું ચૂંટણી ચિન્હ મળી શકે? ભારતમાં ચૂંટણી ચિન્હ નક્કી કરવાના ચોક્કસ નિયમો છે. ચૂંટણી પંચ બે પ્રકારના ચિન્હો આપે છે... (1) ‘આરક્ષિત ચિન્હ’ જે ભાજપ કે આપ જેવી મોટી માન્યતા પ્રાપ્ત પાર્ટીઓને મળે છે અને બીજા ‘મુક્ત ચિન્હ’ જે નવી કે નાની પાર્ટીઓ અને અપક્ષ ઉમેદવારોને 100થી વધુ ચિન્હોની યાદીમાંથી મળે છે. CJPએ ચૂંટણી ચિન્હ મેળવવા માટે સૌથી પહેલા લોકપ્રતિનિધિત્વ અધિનિયમ-1951ની કલમ 29A હેઠળ નોંધણી કરાવવી પડે.
BSPનું હાથી અને ફોરવર્ડ બ્લોકનું સિંહ ચિહ્ન તો કોકરોચ કેમ નહીં?
આ પાર્ટીને ‘કોકરોચ’ ચિન્હ મળવામાં મોટો કાયદાકીય અવરોધ છે. 1968ના ચૂંટણી ચિન્હ આદેશ મુજબ, વર્ષ 1991થી નવું ચિન્હ કોઈ પક્ષી કે પ્રાણીનું ન હોવું જોઈએ. ભૂતકાળમાં ચૂંટણી પ્રચાર દરમિયાન અસલી પ્રાણીઓ પર થતા અત્યાચારોને રોકવા માટે આ નિયમ બનાવાયો હતો. બસપાનો હાથી કે ફોરવર્ડ બ્લોકનો સિંહ એ જૂના ચિન્હો જેવો અપવાદ છે, જોકે હવે નવા પશુ-પક્ષીના ચિન્હ અપાતા નથી. હવે ચૂંટણી પંચ ‘કોકરોચ’ને પ્રાણી કે જીવજંતુની શ્રેણીમાં ગણે છે કે નહીં, તેના પર બધો આધાર રહેશે. ટૂંકમાં, સોશિયલ મીડિયા પર ધૂમ મચાવનારી આ પાર્ટી માટે વાસ્તવિક ચૂંટણી મેદાનમાં આવવું અને પોતાની પસંદગીનું ચિન્હ મેળવવું ઘણું મુશ્કેલ છે.
