ગંદકી ફેલાવી તો મળશે 'રિટર્ન ગિફ્ટ'! કચરો ઘરે પરત મોકલશે તંત્ર, બેંગલુરુમાં અનોખી પહેલ

Bengaluru News: ગ્રેટર બેંગલુરુમાં રસ્તા પર કચરો ફેંકનારા લોકો પર કડક કાર્યવાહી કરવામાં આવશે. જે લોકો રસ્તાને પર કચરો ફેંકે છે, એવા લોકોને પાઠ ભણાવવા માટે ગ્રેટર બેંગલુરુ ઑથોરિટી(GBA)એ એક ખાસ પહેલ શરુ કરી છે. જે હેઠળ જે લોકો રસ્તા પર કચરો ફેંકતા જોવા મળશે, GBAએ કચરાને ફરી તેમના ઘરમાં ફેંકી દેશે. GBAના 'ગાર્બેજ ડમ્પિંગ ફેસ્ટિવલ' દ્વારા શહેરને ગંદા કરનારા લોકોને પાઠ ભણાવવામાં આવશે. 

આ પણ વાંચોઃ અદાલતનું માન છે કે નહીં? તમામ મુખ્ય સચિવ હાજર થાય: રખડતાં શ્વાન મુદ્દે સુપ્રીમ કોર્ટની ફટકાર

ગંદકી ફેલાવનારને મળશે 'રિટર્ન ગિફ્ટ'

બેંગલુરુ સૉલિડ વેસ્ટ મેનેજમેન્ટ લિમિટેડ(BSWML)ના મુખ્ય કાર્યકારી અધિકારી (CEO) કરિગૌડાએ આ વિશે જણાવ્યું કે, 'બેંગલુરુમાં અમારી પાસે લગભગ 5000 ગાડીઓ છે, જે સૂકો કચરો અને ભીનો કચરો ભેગો કરવા લોકોના ઘરે જાય છે. તેમ છતાં, અનેક લોકો રસ્તા પર કચરો ફેંકે છે. અમે નજર રાખવા માટે સીસીટીવી કેમેરા લગાવ્યા છે અને BSWMLને રસ્તા પર કચરો ફેંકનારા લોકોના વીડિયો મળ્યા છે. રસ્તા પર કચરો ન ફેંકવા વિશે જાગૃતતા ફેલાવવા માટે આ પહેલ એક રિટર્ન ગિફ્ટ છે. જોકે, ફક્ત કચરો તેમના ઘરે પરત નહીં કરવામાં આવે પરંતુ તે વ્યક્તિને 2000 રૂપિયાનો દંડ પણ ફટકારવામાં આવશે.'

આ પણ વાંંચોઃ નમો ટુરિસ્ટ સેન્ટર બનાવ્યા તો તોડી નાખીશું, રાજ ઠાકરેની શિંદેને ખુલ્લી ધમકી

સીસીટીવીથી રખાશે નજર

બેંગલુરુને 'ગાર્ડન સિટી' જણાવતા કરિગૌડાએ લોકોને કચરો ન ફેંકવા અને શહેરની સ્વચ્છતા જાળવી રાખવાની વિનંતી કરી. ગુનેગારો પર સીસીટીવી દ્વારા નજર રાખવામાં આવી રહી છે.