શિવાજી પાર્કમાં દેખાવોમાં હજારો ઉમટયા, ચેમ્બુરમાં પોલીસ સાથે ઘર્ષણ

વિદ્યાર્થીઓ, રહિશોની ઘરેથી પણ અટકાયત થયાના આક્ષેપો

ચેમ્બુર સહિત અનેક વિસ્તારોમાંથી દેખાવકારોની અટકાયતનો સિલસિલો ચાલુઃ ૨૪ જુલાઈએ વ્યાપક દેખાવોની આદિત્યની જાહેરાત

મુંબઈ  -  દેશની આથક રાજધાની મુંબઈમાં બુધવારે પરીક્ષાઓમાં કથિત અનિયમિતતાઓ સામે સીજેપીના આંદોલન સાથે એકતા દર્શાવવા માટે અનેક સ્થળોએ વિરોધ પ્રદર્શનો થયા હતા અને આ મામલે ઘણા લોકોની અટકાયત કરવામાં આવી હતી.દિવસ દરમિયાન, મુંબઈમાં અનેક સ્થળોએ સેંકડો લોકો એકઠા થયા હતા અને પ્રતિબંધિત આદેશોનું ઉલ્લંઘન કરીને કથિત નીટ પેપર લીકનો વિરોધ કર્યો હતો, જેના કારણે ઘણા વિરોધીઓની અટકાયત કરવામાં આવી હતી.

એક અધિકારીના જણાવ્યા અનુસાર, ચેમ્બુરના ડા. બાબાસાહેબ આંબેડકર ગાર્ડનમાં ભારે પોલીસ બંદોબસ્ત વચ્ચે સેંકડો વિરોધીઓ એકઠા થયા હતા. પ્રત્યક્ષદર્શીઓનો આરોપ છે કે પોલીસે ઘણા વિરોધીઓની અટકાયત કરી હતી, જેમાંથી કેટલાકને સ્થાનિક પોલીસ સ્ટેશન લઈ જતા પહેલા પોલીસ તેમને વાહનોમાં ખેંચી સાથે લઈ જતી જોવા મળી હતી.ચેમ્બુરમાં પ્રદર્શનકારીઓ શિક્ષણ પ્રણાલીમાં સુધારા અને કથિત પેપર લીક પર કાર્યવાહીની માંગણી કરતા પ્લેકાર્ડ લઈને આવ્યા હતા.

ઘણા વિરોધીઓની અટકાયત કર્યા પછી, પોલીસે બાકી રહેલી ભીડને વિરોધ સ્થળ પરથી વિખેરી નાખી હતી. કેટલાક વિરોધીઓએ આરોપ લગાવ્યો કે ડા. બાબાસાહેબ આંબેડકર ગાર્ડન તરફ જતા સમયે પોલીસે તેમને અટકાવ્યા હતા.

દરમિયાન આજે મુંબઈમાં જુદાં જુદાં સ્થળે દેખાવો યોજાવાની માહિતી મળ્યા  બાદ પોલીસે કેટલાક વિદ્યાર્થીઓ તથા કાર્યકરોની આગોતરી અટકાયત કરી હોવાના પણ આક્ષેપો થયા હતા. એક્ટિવિસ્ટોના આક્ષેપ મુજબ શહેરભરમાંથી વિદ્યાર્થીઓ તથા  એક્ટિવિસ્ટોને તેમના ઘરેથી જ અટકાયતમાં લઈ લેવામાં આવ્યા હતા.

જ્યારે શિવસેના (યુબીટી) ના ધારાસભ્ય આદિત્ય ઠાકરે અને મહારાષ્ટ્ર નવનિર્માણ સેના (મનસે) ના નેતા અમિત ઠાકરે દાદરના શિવાજી પાર્ક ખાતે ચાલી રહેલાં આંદોલન સ્થળ પર પહોંચ્યા  હતા. આ સમયે તેમની સાથે મનસેના નેતા અમિત ઠાકરે પણ હાજર રહ્યા હતા. આદિત્ય ઠાકરેએ ૨૪ જુલાઈના મોટા આંદોલનમાં વિદ્યાર્થીઓ અને આંદોલકોને મોટી સંખ્યામાં હાજર રહેવાનું આહવાન કર્યું હતું.

ત્યારબાદ આદિત્ય અને અમિત ઠાકરેએ પોલીસ સ્ટેશનની મુલાકાત પણ લીધી હતી. સૂત્રોએ જણાવ્યું હતું કે તેમની દરમિયાનગીરી બાદ, અટકાયત કરાયેલા વિરોધીઓને મુક્ત કરવામાં આવ્યા હતા.

દાદરના શિવાજી પાર્કમાં, બુરખો પહેરેલી એક મહિલા વિરોધ કરી રહી હતી ત્યારે પોલીસ કર્મચારીઓએ તેને અટકાવી હતી. જોકે મનસેના વડા રાજ ઠાકરેના પત્ની શમલા તેમના સમર્થનમાં આવ્યા હતા અને વિરોધ દરમિયાન તેમની બાજુમાં બેઠા હતા. દરમિયાન બનશે પ્રમુખ રાજ ઠાકરે પણ આંદોલકોને મળ્યા હતા અને તેમની સાથે સંવાદ સાધી તેમની માગણી જાણી લીધી  હતી.

દાદરમાં શિવસેના ભવનની બહાર મોટી સંખ્યામાં લોકો એકઠા થયા હતા અને કેન્દ્રીય શિક્ષણ મંત્રી ધર્મેન્દ્ર પ્રધાન અને વડા પ્રધાન નરેન્દ્ર મોદી વિરુદ્ધ સૂત્રોચ્ચાર કર્યા હતા.

કોઈપણ અનિચ્છનીય ઘટના ન બને તે માટે પોલીસે તમામ વિરોધ સ્થળોએ ભારે બંદોબસ્ત ગોઠવ્યો હતો.