વસઈ -વિરારમાં ખુલ્લી ગટરોને લીધે અકસ્માતોને આમંત્રણ

ચોમાસું બેઠું છતાં પ્રશાસન ગાઢ નિંદ્રામાં

અનેક ભાગોમાં, ગટરો પરના ઢાંકણા તૂટેલા છે અને કેટલીક જગ્યાએ તે સંપૂર્ણપણે ગાયબ થઈ ગયાં

મુંબઈ -  વસઈ-વિરારમાં ચોમાસાની તુ શરૃ થઈ રહી છે ત્યારે પણ ખુલ્લી ગટર, તૂટેલા ઢાંકણા અને જમા થયેલા કચરાને કારણે નાગરિકોની સલામતીનો મુદ્દો ફરી સામે આવ્યો છે. વસઈ-વિરારના અનેક ભાગોમાં, ગટરો પરના ઢાંકણા તૂટેલા છે અને કેટલીક જગ્યાએ તે સંપૂર્ણપણે ગાયબ થઈ ગયા છે. તેથી, વરસાદી પાણીમાં આ ગટરો ન હોવાથી નાગરિકો, બાળકો અને ટુ-વ્હીલર સવારોને અકસ્માતનો ભય વ્યક્ત કર્યો છે.

વસઈ-વિરાર મ્યુનિસિપલ કોર્પોરેશન વિસ્તારના વિવિધ ભાગોમાં ગટરના પાણીના નિકાલ માટે ગટરોની વ્યવસ્થા કરવામાં આવી છે. વસઈ- વિરાર નવ વોર્ડમાં લગભગ ૭૦.૬૮ કિલોમીટર લાંબા ગટર છે અને તેના પર ૧,૧૦,૦૮૭ ઢાંકણ લગાવવામાં આવ્યા છે. જો કે, વાસ્તવમાં, એવું જોવા મળે છે કે અનેક જગ્યાએ આ ઢાંકણા તૂટેલા, જર્જરિત હાલત અથવા ગાયબ છે.

નાલાસોપારા-ઈસ્ટ, વિરાર, વસઈ તેમ જ અન્ય નીચાણવાળા વિસ્તારોમાં ગટરના ઢાંકણાની હાલત ખૂબ ખરાબ થઈ ગઈ છે. કેટલીક જગ્યાએ, ઢાંકણા પરનો સિમેન્ટ સંપૂર્ણપણે ગાયબ થઈ ગયો છે, જેના કારણે અંદર કાટ લાગેલા લોખંડના સળિયા ખુલ્લા પડી ગયા છે. કેટલીક જગ્યાએ, ગટર સંપૂર્ણપણે ખુલી ગઈ છે. આ ગટરોમાં મોટા પ્રમાણમાં કચરો જમા થવાને કારણે, ચોમાસા દરમિયાન તે ભરાઈ જાય છે અને વિસ્તારમાં પાણી ભરાઈ જવાથી રસ્તાઓ પાણીથી ભરાઈ જાય છે.

ખુલ્લા અને તૂટેલા ગટર નાગરિકોના જીવન માટે જોખમ ઉભું કરે છે. ભૂતકાળમાં, ખુલ્લા ગટરમાં નાગરિકો અને બાળકો પડી જવાના દુર્ભાગ્યપૂર્ણ બનાવો બન્યા છે. કેટલાક ગંભીર રીતે જખમી પણ થયા છે. આવી ઘટનાઓ છતાં, વહીવટીતંત્રે હજુ સુધી નક્કર પગલાં લીધા નથી તે અંગે નાગરિકો નારાજગી વ્યક્ત કરી રહ્યા છે.

દરમિયાન, ભાજપના એક નગરસેવકે જણાવ્યું હતું કે, વોર્ડ નંબર 'ડી' માં કેટલીક જગ્યાએ ગટર પરના સ્લેબ અને કવર તૂટેલી હાલતમાં હોવાનું ધ્યાનમાં આવ્યું છે. આ સંદર્ભમાં મહાનગરપાલિકાના સંબંધિત અધિકારીઓ અને એન્જિનિયર જરૃરી સૂચનાઓ આપવામાં આવી છે. તેમ જ નાગરિકોની સલામતી માટે, તૂટેલા ઢાંકણાનું સમારકામ અને જરૃરી સ્થળોએ નવા ઢાંકણા લગાવવાનું કામ ટૂંક સમયમાં કરવામાં આવશે.

તેમ જ નાગરિકો માગણી કરી રહ્યા છે કે મહાનગરપાલિકા તાત્કાલિક તમામ ગટરોનું નિરીક્ષણ કરે અને જ્યાં ઢાંકણા તૂટેલા હોય અથવા ગાયબ હોય ત્યાં નવા ઢાંકણા લગાવે, અને ચોમાસા પહેલા ગટરોની સફાઈ કરે અને જરૃરી સમારકામનું કામ પૂર્ણ કરે.

તૂટેલા ઢાંકણાનો સર્વે ચાલી રહ્યો હોવાનો દાવો..

 તૂટેલા ગટરના ઢાંકણા અંગે નાગરિકો તરફથી મોટી સંખ્યામાં ફરિયાદો મળી હોવાથી તમામ નવ વોર્ડમાં તૂટેલા ઢાંકણાનો સર્વે શરૃ કરવામાં આવ્યો છે. મહાનગરપાલિકાના અધિકારીઓએ જણાવ્યું છે કે સર્વે પૂર્ણ થયા પછી, જે વિસ્તારોમાં કવર તૂટેલા અથવા ખરાબ સ્થિતિમાં જોવા મળશે તેનું સમારકામ કરવામાં આવશે.