સસરાએ જમાઈને 4 લાખનાં ચાંદીનાં કોલ્હાપુર ચંપલ ગિફ્ટ કર્યાં

સોના-ચાંદીના વધતા ભાવો વચ્ચે અનોખી ગિફ્ટ

શુદ્ધ ચાંદીનાં કોલ્હાપુરી ચંપલ બનાવવામાં દોઢ  કિલો ચાંદી વપરાઈ

મુંબઇ  -  સોના-ચાંદીના ભાવ આસમાને પહોંચ્યા છે  ત્યારે બીજી બાજુ એક હોંશીલા સસરાએ પોતાના જમાઇ માટે શુદ્ધ ચાંદીના કોલ્હાપુરી ચંપલ તૈયાર કરાવ્યા છે.

કોલ્હાપુર-સાંગલી  માર્ગ પર આવેલા એક ગામના ધનાઢય રહેવાસીએ પોતાની લાડકી દીકરીના પતિને કોઇ આનોખી ભેટ આપવાનું નક્કી કર્યું. આ વ્યક્તિઅ એક જ્વેલર્સને ચાંજીનાં ચંપલ બનાવવા ઓર્ડર આપ્યો હતો. આ  જ્વેલર્સે આ કામ કોલ્હાપુરના ચાંદીના એક જાણીતા કારીગરને સોંપ્યું હતું.

કોલ્હાપુરના કલાકારે સતત આઠ દિવસ જહેમત ઉઠાવીને ચાંદીના ચળકતા અફલાતૂન કોલ્હાપુરી ચંપલ તૈયાર કરી આપ્યાં હતાં.  આ ચંપલ બનાવવામાં  દોઢ કિલો ચાંદી વાપરવામાં આવી છે, અને આ ચાંદીના  ચંપલની કિંમત ચાર લાખ રૃપિયા આંકવામાં આવી છે.  કોલ્હાપુરી ચંપલ તૈયાર કરવા માટે ૨૨ હજાર રુપિયા મેકિંગ ચાર્જ અપાયો હોવાનું કહેવાય છે.