એનસીપીના ભૂતપૂર્વ ધારાસભ્ય કદમ સામે કોર્ટે આરોપો ઘડયા

રૃ.313 કરોડના મની લોન્ડરિંગ કેસ 

આરોપીઓએ નિર્દોષ હોવાની રજૂઆત કરતાં ટ્રાયલ શરૃ થવાનો માર્ગ મોકળો 

મુંબઈ -  મુંબઈની એક ખાસ અદાલતે મહારાષ્ટ્રમાં રાજ્ય સંચાલિત કોર્પોરેશનમાંથી રૃ. ૩૦૦ કરોડથી વધુના કથિત ગેરરીતિ સાથે જોડાયેલા મની લોન્ડરિંગ કેસમાં એનસીપીના ભૂતપૂર્વ ધારાસભ્ય રમેશ કદમ અને અન્ય નવ લોકો સામે આરોપો ઘડયા છે. તેઓ તત્કાલિન અધ્યક્ષ હતા.

પીએમએલએ કોર્ટના અધ્યક્ષપદે રહેલા સ્પેશિયલ જજ સત્યનારાયણ નાવંદરે ૨૮ નવેમ્બરના રોજ આરોપીઓ સામે પ્રિવેન્શન ઓફ મની લોન્ડરિંગ એક્ટની સંબંધિત જોગવાઈઓ હેઠળ આરોપો ઘડયા હતા, કારણ કે બધાએ દોષિત ન હોવાની કબૂલાત કરી હતી. આરોપો ઘડવાથી ફોજદારી કેસમાં ટ્રાયલ શરૃ થવાનો માર્ગ મોકળો થાય છે.

કદમ અને તેમના સહયોગીઓ પર રાજ્ય સંચાલિત સાહિત્યરત્ન લોકશાહિર અન્નભાઉ સાઠે વિકાસ નિગમ માંથી આશરે રૃ. ૩૧૩ કરોડની લોન્ડરિંગનો આરોપ છે, જેનો હેતુ રાજ્યમાં માતંગ સમુદાયના ઉત્થાન માટે હતો.

ગરીબી રેખા નીચે જીવતા પછાત માતંગ સમુદાયના સભ્યોની જીવનશૈલી સુધારવા અને તેમને સન્માનજનક સ્થાન આપવાના હેતુથી મહારાષ્ટ્ર સરકારે ૧૯૮૫ માં નિગમની સ્થાપના કરી હતી.

 વ્યક્તિગત લાભ માટે રિયલ એસ્ટેટ અને કોર્પોરેટ સંસ્થાઓ ખરીદવા માટે કરવામાં આવ્યો હતો, એમ આદેશમાં જણાવાયું છે.

આરોપો મુજબ, કદમે જાહેર સેવક તરીકે કામ કરતી વખતે, સહ-આરોપીઓ સાથે સાંઠગાંઠ કરી, બનાવટી દસ્તાવેજો બનાવ્યા અને કોર્પોરેશનના ભંડોળની ઉચાપત કરવા માટે તેનો અસલી તરીકે ઉપયોગ કર્યો.

અન્ય આરોપીઓમાં કોર્પોરેશનના મેનેજિંગ ડિરેક્ટરો અને કદમ સાથે જોડાયેલી કંપનીઓનો સમાવેશ થાય છે