ક્રિસ્ટોફર નોલાનની ફિલ્મ ઓડિસીની ટિકિટ ૩૧૦૦ રૃપિયા હોવા છતાં શો હાઉસફૂલ

સેન્સર બોર્ડે એક પણ કટ કર્યા વિના એ સર્ટિફિકેટ આપ્યું

ભારતમાં જબરદસ્ત લોકપ્રિય દિગ્દર્શક નોલાનની છેલ્લી ફિલ્મ ઓપનહાઇમરે ૧૫૦ કરોડ રળ્યા હતા                                

સેન્સર બોર્ડે એક પણ કટ કર્યા વિના એ સર્ટિફિકેટ આપ્યું

મુંબઇ -  ગ્રીક દંતકથા પર આધારીત ક્રિસ્ટોફર નોલાનની ફિલ્મ ઓડિસ્સી દુનિયાભરમાં  ૧૭ જુલાઇએ રજૂ થવાની છે પણ મુંબઇમાં તેનું પ્રિમિયર તથા અન્ય એક શો શુક્ર અને શનિવારે યોજવામાં આવ્યા હતા. ક્રિસ્ટોફર નોલાન તેમની પત્ની એમા થોમસ તથા ફિલ્મના એક્ટર ટોમ હોલાન્ડ અને મેટ્ટ ડેમોન પણ આ મુંબઇ યોજાયેલા આ ફિલ્મના પ્રિમિયરમાં હાજર રહ્યા હતા.

મુંબઇમાં ઓડિસ્સી ફિલ્મની સૌથી મોંઘી ટિકિટ ૩૧૦૦ રૃપિયાની છે. જ્યારે દિલ્હી એનસીઆર વિસ્તારમાં ટિકિટનો ભાવ ૨૫૦૦ રૃપિયા છે અને ફિલ્મના શો સવારે સાડા છ વાગ્યાથી શરૃ થઇ જશે. સૌથી સસ્તી ટિકિટ ચેન્નાઇમાં આઇમેકસ થિયેટરમાં માત્ર ૫૦૮ રૃપિયા છે. ફિલ્મને સેન્સર બોર્ડે પણ એક પણ કટ વિના એ પ્રમાણપત્ર જારી કરી દીધું છે.

ભારતમાં ક્રિસ્ટોફર નોલાનનો ચાહકવર્ગ ખૂબ મોટો છે. નોલાનની છેલ્લી ફિલ્મ ઓપનહાઇમરને ભારતમાંથી ૧૫૦ કરોડ રૃપિયાની કમાણી થઇ હતી.ફિલ્મના કળાકાર મેટ્ટ ડેમોને શેખરકપૂર સાથે ફોર ફિધર્સ ફિલ્મમાં કામ કરવાની તક ગુમાવવા બાબતે અફસોસ વ્યક્ત કર્યો હતો.