સની દેઉલ સામે સુનીલ દર્શનના 20 કરોડના દાવાના કેસમાં અપીલ દાખલ

સનીએ ગુડ મોર્નિંગ  ઈન્ડિયા ફિલ્મ છોડી દેતાં કેસ થયો હતો

અપીલ સાંભળવા હાઈકોર્ટે   નિર્માતા સુનીલ દર્શનને ૧૫ હજાર રુપિયાનો દંડ પણ ફટકાર્યો

મુંબઈ -   બોમ્બે હાઈકોર્ટે ગુરુવારે નિર્માતા સુનીલ દર્શન પર રૃ.૧૫,૦૦૦ નો દંડ ફટકાર્યો હતો અને તેમને ૨૦૧૫માં ફિલ્મ નિર્માતા અને બોલિવૂડ અભિનેતા સની દેઓલ દ્વારા એકબીજા સામે દાખલ કરેેલી બે અરજીઓને ફગાવી દેતાં સિંગલ જજના નિર્ણય સામે તેમની અપીલ ફરીથી હાથ ધરવા માટે મંજૂરી આપી હતી.

એક દાયકા પહેલાં સની દેઓલ સુનીલ દર્શનની ફિલ્મ 'ગુડ  મોર્નિંગ ઈન્ડિયા' છોડી દીધી હતી ત્યારથી બંને વચ્ચે આ મુદ્દે કાનૂની વિવાદ ચાલે છે.  સુનીલ  દર્શને સની પર ૨૦ કરોડના નુકસાનનો દાવો કર્યો હતો.

તેમના વિવાદને મધ્યસ્થીકાર પાસે મોકલવામાં આવ્યો  અને એકમાત્ર મધ્યસ્થી તરીકે નિયુક્ત ભારતના ભૂતપૂર્વ મુખ્ય ન્યાયાધીશેે તેમના નિર્ણયમાં દેઓલને ફિલ્મ નિર્માતાને રૃ.૧૨ લાખ ચૂકવવાનો આદેશ આપ્યો. જોકે,  સુનીલ દર્શન પોતાને થયેલું નુકસાન સાબિત ન કરી શકતાં મધ્યસ્થીએ તેમનો ૨૦ કરોડનો દાવો  ધ્યાને લીધો ન હતો.

ત્યારબાદ બંને પક્ષોએ હાઇકોર્ટના સિંગલ જજ સમક્ષ આબટ્રેશન એવોર્ડને પડકાર્યો હતો. 

 આ સિંગલ જજના આદેશને પડકારતા, પક્ષકારોએ હાઇકોર્ટની ડિવિઝન બેન્ચ સમક્ષ ક્રોસ-અપીલ દાખલ કરી. ૯ જૂનના રોજ, ન્યાયાધીશ અજય ગડકરી અને ન્યાયાધીશ કમલ ખાતાની ડિવિઝન બેન્ચે  સુનીલ દર્શન વતી વારંવાર ગેરહાજરીનું કારણ દર્શાવી આ અપીલ ફગાવી દીધી  હતી  જોકે, દર્શને વકીલો  દ્વારા વચગાળાની અરજી દાખલ કરી, જેમાં કોર્ટને તેમની અપીલ ફરીથી  હાથ ધરવા અપીલ કરાઈ હતી.

 વકીલોએ ન્યાયાધીશોને જણાવ્યું કે અપીલ પહેલા ચલાવી શકાઈ નથી કારણ કે તેમના ક્લાયન્ટનું પ્રતિનિધિત્વ બીજા વકીલ દ્વારા કરવામાં આવ્યું હતું અને તેઓ આ વર્ષે એપ્રિલમાં જ કેસમાં જોડાયા હતા. વકીલોએ ન્યાયાધીશોને જણાવ્યું કે ટેકનિકલ સમસ્યાને કારણે, તેઓ ૯ જૂને અપીલની સુનાવણીથી અજાણ હતા, જ્યારે તેને કાર્યવાહીના અભાવે ફગાવી દેવામાં આવી હતી.

 બોમ્બે હાઈકોર્ટ જોકે, દેઓલ તરફથી હાજર રહેલા વકીલે બેન્ચને અપીલને પુનર્જીવિત કરવા માટેની વચગાળાની અરજીને મંજૂરી ન આપવા વિનંતી કરી કારણ કે દર્શનના નામ સામે હાલના વકીલોના નામ અલગ અલગ તારીખો માટે કારણ યાદીમાં સૂચિબદ્ધ હતા. તેમ છતાં, બેન્ચે દલીલો પર વિચાર કર્યો અને બે અઠવાડિયામાં ૧૫,૦૦૦ રૃપિયાનો ખર્ચ જમા કરાવવાને આધીન અપીલને પુનર્જીવિત કરવાની મંજૂરી આપી હતી.