માર્વેના દરિયામાં શઢવાળી નૌકાની સ્પર્ધાનો નઝારો

દેશભરમાંથી ઉમટેલા યુવા નાવિકો

શનિવારે ફાઇનલ હરિફાઇ યોજાશે

મુંબઇ -  માર્વેના દરિયામાં ચાલી રહેલી શઢવાળી નૌકા (યૉટ)ની રાષ્ટ્રીય સ્તરની સ્પર્ધામાં દેશભરમાંથી ઉમટેલા યુવા નાવિકો વચ્ચે રસાકસી ચાલી રહી છે. શનિવારે ફાઇનલ હરિફાઇ યોજાશે.

યોટીંગ  એસોસિયેશન ઓફ ઇન્ડિયાના નેજા હેઠળ યોજાયેલી આ સ્પર્ધાની ગણના રાષ્ટ્રીય કક્ષાની અગ્રીમ હરિફાઇમાં થાય છે. ગઇ ચોથી મેથી શરૃ થયેલી આ સ્પર્ધા અનુકૂળ હવામાનને કારણે અને શાંત દરિયાને લીધે વિનાવિઘ્ને આગળ વધી રહી છે. જો કે આજે હવામાને પલ્ટો લીધો હતો. વાયએઆઇ યુથ નેશનલ્સ ૨૦૨૬ની આ સ્પર્ધાના અનુભવને આધારે રાષ્ટ્રીય અને આંતરરાષ્ટ્રીય સ્તરની સ્પર્ધાઓમાં સામેલ થવા માટે યુવા નાવિકો સક્ષમ બને છે.