પાલઘરના આધેડ પીએસઆઈ દ્વારા ૧૩ વર્ષની કિશોરીની સતામણી

આર્થિક મદદની લાલચ આપી નિકટતા કેળવી

સતત ત્રણ મહિનાથી સતામણી બાદ આખરે પીડિતાએ ફરિયાદ કરતાં ધરપકડ

મુંબઈ  -  પાલઘર તાલુકામાં ૫૬ વર્ષીય પોલીસ  અધિકારી દ્વારા ૧૩ વર્ષની કિશોરીની જાતીય સતામણી કરાઈ હતી.  સાતપાટી પોલીસે પીડિતાની ફરિયાદના આધારે આ અધિકારીની ધરપકડ કરી છે.

ીડિતાના ઘર પાસે રહેતા અને પાલઘર પોલીસ હેડક્વાર્ટરમાં રિઝર્વ પોલીસ સબ ઈન્સ્પેક્ટર તરીકે  કાર્યરત ૫૬ વર્ષીય સંજય કાશીદે પીડિતા એકલી હોવાનો ફાયદો ઉઠાવ્યો હતો. તેણે તેને આર્થિક મદદની લાલચ આપી હતી. છેલ્લા  ત્રણ મહિનાથી તે વારંવાર પીડિતાની જાતીય સતામણી કરી રહ્યો હતો.  જોકે, આ ત્રાસ અસહ્ય થતાં આખરે પીડિતાએ પોલીસને જાણ કરી હતી.

સાતપાટી પોલીસ સ્ટેશનના આસિસ્ટન્ટ પોલીસ ઇસ્પેન્ક્ટર ઉદ્ધવ સુર્વેના જણાવ્યા મુજબ પોક્સો હેઠળ ગુનો નોંધી  કાશીદની ધરપકડ કરાઈ છે.