પત્ની પિયર જવા માટે તરત તૈયાર થાય એ માટે શું કરવું?
- સ્કવેર કટ-અધીર અમદાવાદી
= પત્ની પિયર જવા માટે તરત તૈયાર થાય એ માટે શું કરવું?
- કાનજીભાઈ ઓ. વેણ, તા. ધરણીધર વાવ થરાદ
- 'બહેન છોકરાઓ સાથે આવવાનું વિચારે છે', એવું કહો એને.
= ઘીમાં ખીચડી ઢોળાઈ જાય તો શું કરાય?
- નરેશભાઈ બી. પરમાર, ભરૂચ
- ખીચડીનો જ્યુસ કાઢીને ડોલચામાં ભરવો.
= જે કશું જ નથી કરતા એ શું કરતા હશે?
- સરદારખાન મલેક, મહેસાણા
- જો લોગ કુછ નહીં કરતે વો કમાલ કરતે હૈ (દાગ દહેલવી)
= પેટ્રોલ પંપ પર પેટ્રોલ અને ડીઝલ બંને મળે છતાં એને પેટ્રોલ પંપ જ કેમ કહે છે?
- માયા ડી. સોની, ગોધરા
- પેટ્રોલ પરત્વે પરમ પક્ષપાત.
= સાળી હમણાથી વખાણ બહુ કરે છે. મારે શું સમજવું ?
- નીરવ રામી, વડોદરા
- સ્ટાર્ટ અપ આવતું હશે કોઈ. તમે ઇન્વેસ્ટર હશો.
= તમારાં જવાબો ક્યારેક ન સમજાય તો શું કરવાનું?
- શિવમ યાજ્ઞિાક, રાજકોટ
- મારું ટયુશન રાખી શકાય.
= કઈ વાતની મસ્તી ના કરાય?
- પંકજ કપાસી, મહેસાણા
- વસ્તી કરતી વખતે પસ્તી ઊડે એની અમસ્તીએ ના કરાય.
=કરચોરી, કામચોરી અને ભ્રષ્ટાચાર આ દેશને ક્યાં લઈ જાશે?
- મુકેશ ટી. ચંદારાણા, મીઠાપુર
- દેશ હજારો વર્ષ જાતજાતની આફતો સામે ટક્યો છે. ફિકર નોટ.
= સાચો પ્રેમ કોને કહેવાય?
- મોહિત મર્થક, રાજકોટ
- પ્રેમીએ પીરસેલ ગુવારનું શાક પણ ખાઈ લે તે.
= કોકરોચ જનતા પાર્ટીનું ભવિષ્ય કેવું લાગે છે?
- ફારૂક દેસાઈ, અમરેલી
- પારકે પૈસે તાગડધિન્ના છે
= વાઈફ અને પ્રેમિકા બેમાંથી કોણ વધારે સુંદર?
- ચેતન ત્રિવેદી, અમદાવાદ
- તમે એકેયના ફોટા એટેચ કર્યા નથી.
=ઉંમર જેમ વધતી જાય તેમ ખડખડાટ હસવાનું કેમ ઘટતું જાય છે? - નયનભાઈ પટેલ, ભરૂચ
- ચોકઠું પડી જવાના ભયથી
= દુનિયામાં એવો કયો પ્રશ્ન છે જે પૂછવાથી ડોન્કી અને ડોગી બેઉને એકસાથે તાવ આવે?
-દર્શન કોઠારી, અમદાવાદ
- આ.
= કોઈ ગુંડો, મવાલી, કુંવારો હોય છતાં કેમ એ દાદો કહેવાય છે?
- યોગેશ જોશી, હાલોલ
- ખરેખર. શબ્દકોશમાં ચોખવટ છપાવી જોઈએ. તમે લખો.
= કાગડો જ કેમ દહીથરું લઈ જતો હશે?
- વિપુલાબેન મકવાણા, રાજકોટ
- એવું નથી, જે દહીંથરું લઈ જાય છે લોકો એને જ કાગડો કહે છે.
= તમે છેલ્લે ક્યારે મૂર્ખ બન્યા હતા?
- જ્યોતિષ પાઠક, વડોદરા
- ના. એ મારી લગ્નની ડેટ નથી.
=સાસુ એમ કહે કે 'મારી દીકરી તો ગાય જેવી છે' તો શું સમજવું?
- જયેશ ઠક્કર, નડિયાદ
- તો એ તમને બળદ કહે છે.
= છૂટાછેડા માટે લોન ક્યાંથી મળે?
- કુંતેશ જી. ભરુચા, મુંબઈ
- નર્સરીમાં
= પર્યાવરણ અને માણસને સુધારવા સ્પ્લીટ એસીનું બહારનું યુનિટ ઘરમાં અને ઘરનું યુનિટ બહાર લગાડીએ તો?
- ગોપાલ દવે, અમદાવાદ.
- શરૂ કરો. વાંદરાઓના આશીર્વાદ પણ મળશે.
= કાગળનો વાઘ એટલે શું?
- અનિલ ગોસ્વામી,પાટણ
- ટ્રાફિક પોલીસ
= અમારા સવાલને પસંદ કરી તમે વ્યંગમાં જવાબ આપો એટલે જાણે અમને 'મેન્ડેટ' મળી ગયો હોય એવું કેમ લાગે છે?
- રોહિત દરજી 'કર્મ', હિમ્મતનગર
- મેન્ડેટ એટલો સસ્તામાં મળે છે? પહેલાં કીધું હોત તો અત્યારે કોર્પોરેટર હોત!
