બર્ફીલા પહાડોમાં સૌથી વધુ ઊંચાઈએ રહેતું હિમાલયન પાઈકા

હિમાલયના બરફ છવાયેલા પહાડોમાં તીવ્ર ઠંડીમાં રહેનારું ઉંદર જેવું પ્રાણી પાઈકા સૌથી વધુ ઊંચાઈએ રહેનારું એકમાત્ર સસ્તન પ્રાણી છે. ટૂંકા પગ અને ગોળાકાર કાનવાળા પાઈકા દેખાવમાં મોટા ઉંદર જેવાં હોય છે. હિમાલય ઉપરાંત અલાસ્કા તેમજ કોલંબિયાના બર્ફીલા પર્વતોમાં પણ આ પ્રાણી જોવા મળે છે. 

પાઈકાની ૩૦ જેટલી જાત છે. પાઈકા સફેદ રંગના હોવાથી બર્ફીલા પહાડોમાં છુપાઈ શકે છે. ગરૂડ જેવા શિકારી પક્ષીઓની નજરે ચડતાં નથી.

૪૦૦૦ ફૂટની ઊંચાઈએ બરફાચ્છાદિત પર્વતોમાં તીવ્ર ઠંડી અને પાતળી હવામાં બહુ ઓછા પ્રાણીઓ જીવી શકે છે. પાઈકાના ફેફસાંની રચના વિશિષ્ટ હોય છે. ખડકોની વચ્ચે દર કરીને રહેલાં પાઈકા શિયાળો આવે ત્યારે દરમાં ભરાઈ જાય છે.

શિયાળા માટે ખોરાકનો સંગ્રહ કરે છે. દરેક પાઈકાને  પોતપોતાનાં દર હોય છે. પરિવારના દરેક પાઈકાને ખોરાક સંગ્રહ કરવાની જુદી જુદી ફરજો અદા કરવાની હોય છે. આમ પાઈકા એક વિશિષ્ટ અને અભ્યાસુઓ માટે આકર્ષણનું કેન્દ્ર બનેલું છે.