અમેરિકામાં ધનિકોના પ્રાઈવેટ શેફ તરીકે નોકરીમાં પગાર એટલો કે ભારતમાં પૈસાદાર ગણાય

America Ultra Rich Family Household Staff Salary: અમેરિકાના અલ્ટ્રા-રિચ પરિવારના ઘરે કામ કરનારા કેટલાક પ્રોફેસનલ્સની સેલરી સાંભળીને તમે હેરાન રહી જશો. પ્રાઈવેટ શેફથી લઈને ચીફ ઓફ સ્ટાફ સુધી, આ નોકરીમાં વાર્ષિક કમાણી 2.5 કરોડ રૂપિયા સુધી પહોંચી શકે છે. આખરે આ કર્મચારીઓને આટલી મોટી સેલરી કેમ મળે છે અને કઈ નોકરી સૌથી વધુ પૈસા આપે છે?

આ અંગે એક રિપોર્ટ પબ્લિશ થયો હતો, જે અમેરિકાના અલ્ટ્રા-રિચ પરિવારના ઘરે કામ કરનારા હાઉસહોલ્ડ સ્ટાફ પર આધારીત હતો. એમાં ઘરની રસોઈ બનાવનારા પ્રાઈવેટ શેફ, ઘર અને પ્રોપર્ટીની દેખરેખ કરનારા એસ્ટેટ મેનેજર, પર્સનલ આસિસ્ટન્ટ અને ચીફ ઓફ સ્ટાફ જેવા પ્રોફેસનલ્સ સામેલ છે. હેરાનીની વાત એ છે કે એમાંથી કેટલાક પદો પર મળનારી સેલરી કેટલીય હાઇ-પેઈંગ પ્રોફેસનલ જોબ્સને પણ ટક્કર આપે છે. આ જ કારણ છે કે લક્ઝરી હાઉસહોલ્ડ સ્ટાફિંગ હવે એક અલગ પ્રકારનું હાઈ-પેઈંગ કરિયર બનતું જઈ રહ્યું છે.

પ્રાઈવેટ શેફને 2.5 કરોડ રૂપિયા સુધી સેલરી

પ્રાઈવેટ શેફ આ લક્ઝરી હાઉસહોલ્ડ સ્ટાફમાં સૌથી વધુ કમાણી કરનારી નોકરીઓમાં સામેલ છે. 10 જુલાઈ 2026ના રિપોર્ટમાં લક્ઝરી સ્ટાફિંગ ફર્મ મોર્ગન એન્ડ મેલેટના એનાલિસિસનો હવાલો આપતા જણાવવામાં આવ્યું છે કે અમેરિકામાં પ્રાઈવેટ શેફની વાર્ષિક સેલરી 1 લાખથી 3 લાખ ડોલર સુધી હોઈ શકે છે. ઈન્ડિયન કરન્સીમાં આ રકમ લગભગ 85 લાખથી 2.5 કરોડ રૂપિયા વાર્ષિક થાય છે.

પરંતુ આટલા મોટા પેકેજ માટે માત્ર સારું ખાવાનું બનાવવું કાફી નથી. હાઈ-એન્ડ પ્રાઈવેટ શેફે પરિવારની પસંદ, લાઈફસ્ટાઈલ અને ડાયેટરી રિક્વાયરમેન્ટ્સના હિસાબે મેન્યૂ તૈયાર કરવું પડી શકે છે. મિશેલિન-સ્ટાર રેસ્ટોરન્ટનો અનુભવ ધરાવતા શેફની માંગ ખાસ કરીને વધુ હોઈ શકે છે. એટલે કે અહીં શેફ માત્ર રસોઈ નથી બનાવતો, પરંતુ આખા પરિવાર માટે એક પ્રકારની પર્સનલાઈઝ્ડ ફૂડ સર્વિસ સંભાળે છે.

ચીફ ઓફ સ્ટાફની સેલરી પણ 2.5 કરોડ સુધી

અલ્ટ્રા-રિચ પરિવારના ઘરોમાં ચીફ ઓફ સ્ટાફની ભૂમિકા પણ અત્યંત મહત્વપૂર્ણ બની ગઈ છે. રિપોર્ટ પ્રમાણે આ પદ પર વાર્ષિક 1.5 લાખથી 3 લાખ ડોલર સુધી સેલરી મળી શકે છે.

આ ભૂમિકા કોઈ સામાન્ય ઓફિસ આસિસ્ટન્ટથી ઘણી અલગ હોય છે. ચીફ ઓફ સ્ટાફ પરિવારના અલગ-અલગ કામો અને સ્ટાફ વચ્ચેના કોઓર્ડિનેશનથી લઈને ઘણી મહત્વપૂર્ણ અંગત અને એડમિનિસ્ટ્રેટિવ જવાબદારીઓ સંભાળી શકે છે. આટલી મોટી જવાબદારી જ આ જોબને લક્ઝરી હાઉસહોલ્ડની સૌથી મોંઘી પોઝિશન્સમાં સામેલ કરે છે.

પર્સનલ આસિસ્ટન્ટને મળી શકે છે 2 કરોડ રૂપિયાથી વધુ

ધનિક પરિવારો વચ્ચે પર્સનલ આસિસ્ટન્ટની માગ પણ ખૂબ વધારે છે. રિપોર્ટમાં આ રોલનો પગાર વાર્ષિક 80,000થી 2.5 લાખ ડોલર સુધી જણાવવામાં આવ્યો છે. ઈન્ડિયન કરન્સીમાં આ લગભગ 68 લાખથી 2.1 કરોડ રૂપિયાની આસપાસ હોઈ શકે છે.

એમનું કામ માત્ર ફોન કોલ્સ ઉપાડવાનું કે એપોઈન્ટમેન્ટ્સ બુક કરવાનું નથી હોતું. ટ્રાવેલ પ્લાનિંગ, શેડ્યૂલ મેનેજમેન્ટ, અંગત કામોની વ્યવસ્થા અને રોજિંદા ઘણા જરૂરી વ્યવસ્થાપનો પણ એમની જવાબદારીનો હિસ્સો હોઈ શકે છે.

એસ્ટેટ મેનેજર અને એક્ઝિક્યુટિવ આસિસ્ટન્ટ પણ લાખોમાં

લક્ઝરી હાઉસહોલ્ડમાં મોટી-મોટી પ્રોપર્ટીઝ સંભાળવા માટે એસ્ટેટ મેનેજરની જરૂર હોય છે. રિપોર્ટ પ્રમાણે આ કામ માટે વાર્ષિક પગાર 1.5 લાખથી 2 લાખ ડોલર સુધી હોઈ શકે છે. તો બીજી તરફ એક્ઝિક્યુટિવ આસિસ્ટન્ટને વાર્ષિક લગભગ 1.2 લાખથી 2 લાખ ડોલર મળી શકે છે. આ નોકરીમાં પગારનો મોટો હિસ્સો એ વાત પર નિર્ભર કરે છે કે કર્મચારી પાસે કેટલો અનુભવ છે અને તે કેટલી મોટી જવાબદારી સંભાળી રહ્યો છે.

પર્સનલ આસિસ્ટન્ટની સૌથી વધુ માગ

લક્ઝરી હાઉસહોલ્ડ સ્ટાફિંગની દુનિયામાં માત્ર પગાર જ નહીં, ડિમાન્ડ પણ રસપ્રદ છે. રિપોર્ટ પ્રમાણે પર્સનલ આસિસ્ટન્ટ સૌથી વધુ માગ ધરાવતા હાઉસહોલ્ડ સ્ટાફ રોલ્સમાં સામેલ છે અને સ્ટાફિંગ રિક્વેસ્ટમાં તેની ભાગીદારી લગભગ 22 ટકા છે. આનાથી ખબર પડે છે કે અલ્ટ્રા-રિચ પરિવારોને પોતાની રોજિંદી જિંદગી મેનેજ કરવા માટે માત્ર ઘરેલું કામદારોની નહીં, પરંતુ પ્રોફેશનલ સપોર્ટ સ્ટાફની જરૂરિયાત પણ વધી રહી છે.

નેનીને પણ મળી શકે છે શાનદાર પેકેજ

ધનિક પરિવારોમાં નેની અને શોફર (ડ્રાઈવર) જેવા પ્રોફેસનલ્સની પણ ખૂબ માગ છે. ખાસ સ્કિલ્સ ધરાવતા કેન્ડિડેટ્સને સામાન્ય કર્મચારીઓની સરખામણીએ સારું પેકેજ મળી શકે છે. ઉદાહરણ તરીકે, અનેક ભાષાઓ બોલતી નેની કે વિશેષ અનુભવ ધરાવતા ચાઈલ્ડકેર પ્રોફેસનલ્સને વધુ પગાર મળવાની શક્યતા રહે છે.

આખરે શ્રીમંત પરિવારો આટલા પૈસા કેમ આપી રહ્યા છે?

આની પાછળનું સૌથી મોટું કારણ સ્કિલ અને ભરોસાપાત્ર હાઉસહોલ્ડ સ્ટાફની અછત છે. અલ્ટ્રા-રિચ પરિવારોને એવા કર્મચારીઓ જોઈએ છે, જેના પર તેઓ પોતાની પર્સનલ લાઈફ, બાળકો, પ્રોપર્ટીઝ, ટ્રાવેલ અને મહત્વપૂર્ણ રોજિંદા કામો માટે ભરોસો કરી શકે. પરંતુ અનુભવી અને લાંબા સમય સુધી કામ કરનારા આવા પ્રોફેસનલ્સ સરળતાથી નથી મળતા. જ્યારે કોઈ ખાસ સ્કિલવાળા કર્મચારીનો સપ્લાય ઓછો અને ડિમાન્ડ વધારે હોય છે, ત્યારે પગાર વધવો સ્વાભાવિક છે.

વધુ પ્રોપર્ટીઝ મતલબ વધુ સ્ટાફ

આ ટ્રેન્ડ પાછળનું વધુ એક રસપ્રદ કારણ પણ સામે આવ્યું છે. અલ્ટ્રા-રિચ લોકો અલગ-અલગ જગ્યાઓએ પ્રોપર્ટીઝ ખરીદી રહ્યા છે. એક પરિવાર પાસે જેટલી વધુ પ્રોપર્ટીઝ હશે, તેને મેન્ટેઈન માટે એટલા જ વધુ પ્રોફેશનલ્સની જરૂર પડી શકે છે.

કોઈ એક પ્રોપર્ટી માટે શેફ, નેની, શોફર કે એસ્ટેટ મેનેજરની જરૂર પડી શકે છે, જ્યારે એકથી વધુ પ્રોપર્ટી ધરાવતા પરિવારોમાં સ્ટાફની સંખ્યા અને જવાબદારીઓ બંને વધી જાય છે.