જામનગર શહેર અને આસપાસના વિસ્તારમાં પોલીસે પાડેલા દારૂના બે દરોડામાં ત્રણ આરોપી ઝડપાયા

Jamnagar Liquor Raid : જામનગર શહેર તથા પંચકોશી-બી પોલીસ મથક વિસ્તારમાં પોલીસે દારૂ અંગે બે અલગ-અલગ દરોડા પાડી ત્રણ શખ્સોને ઝડપી લઈ કુલ રૂ.5,200ની કિંમતનો ભારતીય બનાવટનો વિદેશી દારૂનો જથ્થો કબજે કર્યો હતો.
જામનગર સીટી-એ ડિવિઝન પોલીસની સર્વેલન્સ સ્કવોડે તા.15ના રોજ બપોરે હિંગળાજ ચોક, દિગ્વિજય પ્લોટ-58ના જાહેર માર્ગ ઉપર દરોડો પાડી હરેશ ઉર્ફે હરીભાઈ નરશીભાઈ ગૌરી (ઉ.વ.45)ને ઝડપી લીધો હતો. તેની પાસેથી રૂ.2,100ની કિંમતની ભારતીય બનાવટની વિદેશી દારૂની કંપની સીલબંધ ચપટા નંગ-21 મળી આવી હતી.
આ જ પોલીસ મથકની ટીમે તા.15ના રોજ રાત્રે દિગ્વિજય પ્લોટ-58માં બાળકોના સ્મશાન પાસે જાહેર રોડ પરથી અજીતભાઈ વશરામભાઈ ઠાકોર (ઉ.વ.40)ને ઝડપી લીધો હતો. તેની પાસેથી રૂ.100ની કિંમતનું દારૂનું ચપટું નંગ-1 મળી આવ્યુ હતું.
જ્યારે પંચકોશી-બી પોલીસે ચેલા ગામે માધવવિહાર સોસાયટીના ખૂણા પાસેથી સાહિલભાઈ રસીદભાઈ લાખા (ઉ.વ.22)ને ઝડપી લીધો હતો. તેની એક્સેસ મોટરસાયકલની ડેકીમાંથી રૂ.3,000ની કિંમતની ભારતીય બનાવટની વિદેશી દારૂની બોટલ નંગ-2 મળી આવી હતી. ત્રણેય બનાવોમાં પોલીસે પ્રોહિબિશન એક્ટ હેઠળ ગુનો નોંધી કાર્યવાહી હાથ ધરી છે.