જામનગરના ભીમવાસ વિસ્તારમાં ઇંગ્લિશ દારૂના વેચાણના અડ્ડા પર પોલીસનો દરોડો : દારૂના ચપટા કબજે, આરોપી ફરાર

Jamnagar Liquor Raid : જામનગર શહેરના સીટી "બી" ડિવિઝન પોલીસ સ્ટેશનની સર્વેલન્સ સ્ટાફે ભીમવાસ વિસ્તારમાં દરોડો પાડી ભારતીય બનાવટના વિદેશી દારૂના જથ્થાનો પર્દાફાશ કર્યો છે.
પોલીસે ભીમવાસ શેરી નં. 2 ખાતે લહનુમાનજી મંદિર પાસે જાહેર સ્થળે દરોડો પાડતાં વેચાણ માટે રાખવામાં આવેલા ઇંગ્લિશ દારૂના 10 ચપટા, કિંમત રૂ.3,000 કબજે કર્યા હતા. દરોડા દરમિયાન આરોપી અજય પરમાર (રહે. ભીમવાસ, જામનગર) સ્થળ પરથી મળી આવ્યો ન હતો અને હાલ ફરાર છે.
આ અંગે સીટી "બી" ડિવિઝન પોલીસ સ્ટેશનમાં પ્રોહિબિશન એક્ટની કલમ 65(એ), 116(બી) હેઠળ ગુનો નોંધી ફરાર આરોપીની શોધખોળ હાથ ધરવામાં આવી રહી છે.