હાલાર પંથકમાં પી.જી.વજ.સી.એલ. દ્વારા ચેકીંગ દ્રાઈવ: પાંચ દિવસમાં 3,825 વીજજોડાણો ચકાસ્યા, 532માં વીજચોરી ઝડપાઈ

Jamnagar: જામનગર અને દેવભૂમિ દ્વારકા જિલ્લામાં પીજીવીસીએલના જામનગર સર્કલ દ્વારા ગત તા.21 સપ્ટેમ્બરથી તા.25 સપ્ટેમ્બર સુધી પાંચ દિવસ દરમિયાન સઘન વીજચેકિંગ ઝુંબેશ હાથ ધરવામાં આવી હતી. વીજચોરી અટકાવવા માટે બંને જિલ્લામાં કુલ ૫૨ ટીમોને મેદાનમાં ઉતારીને શહેરી તેમજ ગ્રામ્ય વિસ્તારોમાં વીજજોડાણોની ઝીણવટભરી તપાસ કરવામાં આવી હતી.

પીજીવીસીએલની ટીમો દ્વારા જામનગર શહેર ઉપરાંત જામનગર, લાલપુર, કાલાવડ, ધ્રોલ અને કલ્યાણપુર તાલુકા તેમજ દેવભૂમિ દ્વારકા જિલ્લાના ભાણવડ અને ખંભાળિયા તાલુકાના વિવિધ ગામોમાં સઘન ચેકિંગ હાથ ધરાયું હતું. પાંચ દિવસ દરમિયાન કુલ 3,825 વીજજોડાણોની તપાસ કરવામાં આવી હતી.

ચેકિંગ દરમિયાન કુલ 532 વીજજોડાણોમાં વીજચોરી ઝડપાઈ હતી. આ વીજચોરીના કેસોમાં પ્રાથમિક આકારણી મુજબ કુલ રૂ.584 લાખ એટલે કે અંદાજે રૂ.5.84 કરોડની વીજચોરી પકડી પાડવામાં આવી હોવાનું પીજીવીસીએલના જામનગર સર્કલના આંકડામાં સામે આવ્યું છે.

પીજીવીસીએલ દ્વારા પાંચ દિવસ સુધી સતત ચલાવવામાં આવેલી આ મેગા વીજચેકિંગ ઝુંબેશમાં મોટી સંખ્યામાં વીજચોરીના કેસો સામે આવતા વીજચોરોમાં ફફડાટ ફેલાયો હતો. શહેરથી લઈને ગ્રામ્ય વિસ્તારો સુધી એકસાથે તપાસ હાથ ધરાતા વીજચોરી કરતા તત્વો સામે કડક કાર્યવાહી કરવામાં આવી હતી.

પાંચ દિવસની કામગીરી એક નજરે

ચેકિંગનો સમયગાળો : તા.21થી 25 સપ્ટેમ્બર, 2026

વિસ્તાર : જામનગર અને દેવભૂમિ દ્વારકા જિલ્લા

કુલ ટીમ : 52

ચકાસેલા વીજજોડાણ : 3,825

વીજચોરી ઝડપાયેલા જોડાણ : 532

અંદાજિત વીજચોરીની આકારણી : રૂ.584 લાખ

કુલ રકમ : અંદાજે રૂ.5.84 કરોડ