જામજોધપુર તાલુકાના વાંસજાળીયામાં રહેતા 27 વર્ષીય યુવાનનું હાર્ટ એટેકથી મોત

Jamnagar: જામજોધપુર તાલુકાના વાંસજાળીયા ગામે રહેતા એક યુવાનનું હાર્ટ એટેક આવતાં મૃત્યુ નીપજ્યું હોવાનું સામે આવ્યું છે. આ બનાવ અંગે જામજોધપુર પોલીસે અકુદરતી મોતની નોંધ કરી છે.

પોલીસમાં જાહેર થયેલી વિગતો મુજબ વાંસજાળીયા ગામે રહેતા જયસુખભાઈ ઘનજીભાઈ ચૌહાણ (ઉ.વ. 27) છેલ્લા બે-ત્રણ વર્ષથી ડાયાબિટીસની બીમારીથી પીડાતા હતા. ગત રાત્રે તેમને ગભરામણ થઈ હતી અને સવારે બાથરૂમ જવા દરમિયાન અચાનક શ્વાસ ચડતાં ચક્કર આવી ગયા હતા. ત્યારબાદ તેમને હાર્ટ એટેક આવતાં તેમનું મૃત્યુ નીપજ્યું હતું. બનાવ અંગે તેમની પત્ની બંસીબેને પોલીસને જાણ કરતાં જામજોધપુર પોલીસે આકસ્મિક મૃત્યુ ની નોંધ કરી વધુ તપાસ હાથ ધરી છે.