Image : Press TV
|
Israel-America vs Iran War Updates : ઇઝરાયલ અને અમેરિકાએ ઈરાનની રાજધાની તેહરાન પર 'મસમોટો' હુમલો શરૂ કર્યો છે. બીજી તરફ, ઈરાને વળતો પ્રહાર કરતા સાઉદી અરેબિયા, કુવૈત અને UAE પર ડ્રોન અને મિસાઈલ છોડ્યા છે. સમગ્ર વિશ્વમાં ઉર્જા સંકટ ઘેરું બન્યું છે.
Israel-America vs Iran War Updates LIVE
ઈરાને 67 મી વખત ઈઝરાયલ પર મિસાઈલ હુમલા શરૂ કર્યા
ઈરાનનું વધુ એક મોટું નુકસાન
અમેરિકા અને ઈઝરાયલના હુમલામાં IRGCના પ્રવક્તા બ્રિગેડિયર જનરલ અલી મોહમ્મદનું મોત નીપજયું છે.
ઈરાનનો મોટો દાવો: મધ્ય ઈરાન પર અમેરિકન F-35 ફાઈટર જેટને તોડી પાડ્યાનો વીડિયો જાહેર
ઈરાને તાજેતરમાં એક ચોંકાવનારો વીડિયો ફૂટેજ જાહેર કર્યો છે, જેમાં દાવો કરવામાં આવ્યો છે કે તેની એર ડિફેન્સ સિસ્ટમે મધ્ય ઈરાનના આકાશમાં ઉડી રહેલા અમેરિકન F-35 ફાઈટર જેટને સફળતાપૂર્વક ટાર્ગેટ કરી તેને તોડી પાડ્યું છે. આ ફૂટેજમાં ઈરાની મિસાઈલ ડિફેન્સ સિસ્ટમ દુશ્મન વિમાન પર લોક-ઈન કરતી અને ત્યારબાદ સચોટ પ્રહાર કરતી જોવા મળે છે. જોકે, અમેરિકા કે ઈઝરાયલ તરફથી હજુ સુધી આ દાવા અંગે કોઈ સત્તાવાર પુષ્ટિ કરવામાં આવી નથી, પરંતુ આ ઘટનાને પગલે ખાડી દેશોમાં ચાલી રહેલા તણાવમાં મોટો ઉછાળો આવવાની આશંકા સેવાઈ રહી છે.
બહેરીનમાં ભીષણ આગ: ઈરાની હુમલાના અવશેષો પડતા ગોદામ સળગ્યું
બહેરીનના ગૃહ મંત્રાલયે પુષ્ટિ કરી છે કે 'ઈરાની આક્રમણ'ને રોકતી વખતે આકાશમાંથી પડેલા મિસાઈલના ટુકડાઓને કારણે એક કંપનીના ગોદામમાં ભીષણ આગ ફાટી નીકળી હતી. સદનસીબે, સિવિલ ડિફેન્સે આગ પર કાબૂ મેળવી લીધો છે અને કોઈ જાનહાનિ થઈ નથી.
ચીનનો મોટો ઝટકો: ખાતરની નિકાસ પર પ્રતિબંધ, ખેતી ક્ષેત્રે વૈશ્વિક હાહાકાર
યુદ્ધના કારણે વૈશ્વિક સપ્લાય ચેઈન ખોરવાતા ચીને પોતાના ઘરેલું બજારને બચાવવા ખાતરની નિકાસ પર અંકુશ મૂક્યો છે. ચીન વિશ્વનો સૌથી મોટો ખાતર નિકાસકાર દેશ છે ($13 બિલિયન). હોર્મુઝ સ્ટ્રેટ બંધ હોવાથી અને ચીનના આ નિર્ણયથી વિશ્વમાં ખાતરની ભારે અછત સર્જાશે, જેની સીધી અસર ખેતી અને ખાદ્ય સુરક્ષા પર પડશે.
ઈઝરાયલ પર ઈરાનનો મિસાઈલમારો
સાઉદી અરેબિયા પર ડ્રોનનો મારો
સાઉદી સંરક્ષણ મંત્રાલયે છેલ્લા કેટલાક કલાકોમાં પૂર્વીય પ્રદેશમાં આવતા 13 જેટલા ઈરાની ડ્રોનને હવામાં જ તોડી પાડ્યા છે. સાઉદી સેના હાઈ એલર્ટ પર છે.
કુવૈત અને UAE માં ઈમરજન્સી: આકાશમાં મિસાઈલોની રમઝટ
કુવૈત સૈન્યએ જણાવ્યું છે કે તેમની એર ડિફેન્સ સિસ્ટમ હાલમાં 'દુશ્મન મિસાઈલ અને ડ્રોન' હુમલાનો સામનો કરી રહી છે. UAE એ પણ પોતાના નાગરિકોને સુરક્ષિત સ્થળોએ રહેવા અને સત્તાવાર ચેનલો પર નજર રાખવા ચેતવણી આપી છે.
તેહરાન પર ઇઝરાયલનો અત્યાર સુધીનો સૌથી મોટો હુમલો
ઇઝરાયલની વાયુસેનાએ તેહરાન પર હુમલાની 'વિશાળ લહેર' (Massive Wave) શરૂ કરી છે. છેલ્લા 15 મિનિટમાં તેહરાનમાં 5 થી વધુ પ્રચંડ વિસ્ફોટો સંભળાયા છે. તેહરાનના આકાશમાં લાલ લિસોટા અને ધુમાડાના ગોટા જોવા મળી રહ્યા છે. ઇઝરાયલે છેલ્લા 24 કલાકમાં ઈરાનના 130 થી વધુ સૈન્ય ઠેકાણાઓ પર હુમલો કર્યો છે.
અમેરિકામાં યુદ્ધનો વિરોધ: ટ્રમ્પ અને નેતન્યાહુના ગઠબંધનમાં તિરાડ?
વોશિંગ્ટનથી મળતા અહેવાલો મુજબ, અમેરિકામાં આ યુદ્ધને લઈને લોકોમાં ભારે રોષ છે. ઇન્ટેલિજન્સ ડાયરેક્ટર તુલસી ગબ્બાર્ડે સ્વીકાર્યું છે કે ઇઝરાયલના લક્ષ્યો અમેરિકા કરતા અલગ છે. અમેરિકામાં યુદ્ધ માટેનું સમર્થન ઘટીને 30% થી નીચે આવી ગયું છે, જે ટ્રમ્પ અને નેતન્યાહુના સંબંધોમાં તિરાડ પાડી શકે છે.
