સેમિકન્ડક્ટર કંપનીઓના માર્કેટ કેપમાં 6 અઠવાડિયામાં 3.8અબજ ડોલરનો વધારો

યુએસ સ્ટોક એક્સચેન્જમાં એઆઈ બૂમની અસર

વધતી માંગ વચ્ચે માઈક્રોન, ઈન્ટેલ, સેનડિસ્ક જેવી ટોપ કંપનીઓના શેરોમાં ઉછાળો જોવા મળી રહ્યો છે 

એઆઈની માંગ શરૂઆતમાં મુખ્યત્વે એનવીડિયા જેવી કંપનીઓની શક્તિશાળી જીપીયુ ચિપ્સ સુધી મર્યાદિત હતી. હવે સીપીયુ, મેમરી ચિપ્સ અને ડેટા સેન્ટર સંબંધિત ચિપ્સની માંગ પણ ઝડપથી વધી રહી છે. માઈક્રોન, ઈન્ટેલ અને સેનડિસ્ક જેવી કંપનીઓના શેરોમાં નોંધપાત્ર ઉછાળો જોવા મળ્યો છે. 

વિશ્વની સૌથી મોટી ચિપ ઉત્પાદક કંપનીઓમાંની એક ટીએસએમસીએ પણ એપ્રિલ મહિનામાં આવકમાં ૧૭.૫ ટકાનો વધારો નોંધાવ્યો છે. કંપનીએ જણાવ્યું કે, તેની પાછળ એઆઈ ચિપ્સની સતત વધતી માંગ મુખ્ય કારણ રહી હતી. વિશ્લેષકોના જણાવ્યા પ્રમાણે એઆઈ હવે ફક્ત ચેટબોટ્સ કે સોફ્ટવેર સુધી મર્યાદિત નથી રહ્યું. 

મોટા એઆઈ મોડલ્સને સતત ચલાવવા માટે વિશાળ ડેટા સેન્ટર્સ, મેમરી ચિપ્સ અને હાઈ-પરફોર્મન્સ કમ્પ્યુટિંગ સિસ્ટમ્સની જરૂર પડી રહી છે. તેના કારણે સમગ્ર સેમિકન્ડક્ટર ઉદ્યોગને મોટો ફાયદો થઈ રહ્યો છે.