'અબ્રાહમલિંકન' અને 'જેરાલ્ડ ફોર્ડ' પહોંચી ગયા છે
ટ્રમ્પે ટ્રૂથ-સોશ્યલ વેબ સાઇટ ઉપર આ લિંક શેર કરી તેમાં સંકેત છે કે ઈરાન ફરતો નેવેલ બ્લોક્ડ કરવામાં આવશે
ઈરાને હોર્મુઝ સ્ટ્રેઈટસમાં નાકાબંધી કરી દુનિયાનો તેલ પૂરવઠો ૨૦ ટકા જેટલો કાપી નાખ્યો છે. તેથી દુનિયાભરમાં અમેરિકા સહિત દરેક દેશોમાં મોંઘવારી માઝા મુકતી જાય છે. ઈરાન હોર્મુઝ ઉપરનો તેનો કાબુ રાખવા મક્કમ છે. તે હોર્મુઝમાંથી પસાર થતાં આવતાં-જતાં બંને વહાણો સ્ટીમરો અને તેલવાહક જહાજો પર ટેક્ષ તો લેવા માગે જ છે. સાથે ક્યા દેશનાં જહાજોને આવવા દેવા કે જવા દેવા તે પણ ઈરાની અધિકારીઓ નક્કી કરશે.
હવે ટ્રમ્પે નિર્ણય કર્યો છે કે ઈરાનની સખત નાકાબંધી કરવી તેનું તેલ બહાર જવા જ ન દેવું કે કોઈ તેલવાહક જહાજ તેલ લેવા જાય તો તેને જવા ન દેવું.
ઈરાનનું ૮૦ ટકા અર્થતંત્ર તેલ આધારિત છે. જો આ નાકાબંધી થાય તો અત્યારે જે બિસ્માર બની ગયેલા ઈરાનનાં અર્થતંત્ર ઉપર આપત્તિ જ તૂટી પડે.
ઈરાનની નાકાબંધી કરવા ડોનાલ્ડ ટ્રમ્પે અરબી સમુદ્રમાં બે પ્રચંડ વિમાનવાહક જહાજો 'અબ્રાહ્મલિંકન' અને 'જેરાલ્ડ ફોર્ડ' તેના સાથી યુદ્ધ જાહાજો સાથે ઈરાનની જળસીમાથી થોડે જ દૂર અરબી સમુદ્રમાં પહેરો ભરી રહ્યાં છે. ઈરાનનું ખાડે ગયેલું અર્થતંત્ર તદ્દન પડી ભાંગવાની પરિસ્થિતિ થઈ છે. આમ ટ્રમ્પે તેનું ટ્રમ્પ-કાર્ડ ઉતાર્યું છે.
