બાંગ્લાદેશમાં સરકાર બદલાઈ છતાં હિન્દુઓ પર મુસીબત યથાવત્, કીર્તનમાં ગયેલી છોકરી પર સામૂહિક દુષ્કર્મ

Woman Gang-Rape In Bangladesh : બાંગ્લાદેશમાં સરકાર બદલાઈ છતાં પણ લઘુમતી હિંદુ સમુદાય પર અત્યાચારની સ્થિતિ યથાવત્ છે. તાજેતરમાં સામે આવેલી કેટલીક હૃદયદ્રાવક ઘટનાઓએ હિંદુઓની સુરક્ષા પર ગંભીર સવાલો ઉભા કર્યા છે.

કીર્તનમાં ગયેલી હિંદુ યુવતી પર સામૂહિક દુષ્કર્મ

ભોલા જિલ્લાના તજુમુદ્દીન વિસ્તારમાં એક અત્યંત શરમજનક ઘટના સામે આવી છે. અહીં કીર્તનમાં સામેલ થવા ગયેલી 25 વર્ષીય હિંદુ યુવતી પર નરાધમોએ સામૂહિક દુષ્કર્મ ગુજાર્યું છે. યુવતી લોહીલુહાણ હાલતમાં મળી આવતા તેને ગંભીર હાલતમાં હોસ્પિટલમાં દાખલ કરવામાં આવી છે. આ ઘટનાને પગલે હિંદુ સંગઠનોમાં ભારે રોષ જોવા મળી રહ્યો છે અને આરોપીઓ સામે કડક કાર્યવાહી કરવાની માંગ કરવામાં આવી છે.

આ પણ વાંચો : નેપાળમાં ધાર્મિક સ્થળ પાસે બબાલ, લાઠીચાર્જ બાદ બિરગંજ શહેરમાં કર્ફ્યૂ, સેનાને સોંપાયું સુકાન

મતદાનના આગલા દિવસે હિંદુ યુવકની હત્યા

આ અગાઉ 11 ફેબ્રુઆરીએ મૌલવીબજાર જિલ્લામાં 28 વર્ષીય હિંદુ યુવક રતન સાહૂકારનો મૃતદેહ શંકાસ્પદ હાલતમાં મળી આવ્યો હતો. ચાના બગીચામાં કામ કરતા આ યુવકના હાથ-પગ બાંધેલા હતા અને તેના શરીર પર ઈજાના ગંભીર નિશાન હતા. આ ઘટના બાંગ્લાદેશમાં મતદાનના બરાબર એક દિવસ પહેલા બની હતી. 

બાંગ્લાદેશમાં હિંદુઓ પર સતત વધી રહેલા હુમલાઓ, હત્યા અને દુષ્કર્મની ઘટનાઓએ લઘુમતી સમુદાયમાં ભયનો માહોલ પેદા કર્યો છે.

આ પણ વાંચો : ભારતને મળશે ઈઝરાયલનું અભેદ્ય સુરક્ષા કવચ! PM મોદીના પ્રવાસમાં થઈ શકે છે મોટી ડીલ, દુશ્મન દેશો ટેન્શનમાં