વાટાઘાટો વચ્ચે હોર્મુઝમાં ફરી જહાજ પર હુમલો! ઈરાનનું ટ્રમ્પને અલ્ટિમેટમ- અમારી મંજૂરી વિના અહીં પાંદડું પણ નહીં હલે

US Iran Talks Conflicting Signals Strait of Hormuz : અમેરિકા અને ઇરાન વચ્ચે ચાલી રહેલા યુદ્ધને સમાપ્ત કરવા માટેની મંત્રણાઓની સ્થિતિ અંગે અમેરિકા અને ઇરાન તરફથી વિરોધાભાસી સંકેતો સામે આવી રહ્યા છે, જેના કારણે અનિશ્ચિતતા વધી ગઈ છે. હોર્મુઝની ખાડીમાં શિપિંગ પર થયેલા તાજેતરના હુમલાએ વૈશ્વિક ઊર્જા પ્રવાહ સામેના જોખમોને વધુ ઉજાગર કર્યા છે.

મંત્રણાઓ ચાલી રહી છે

અમેરિકાના પ્રમુખ ડોનાલ્ડ ટ્રમ્પે સોમવારે જણાવ્યું હતું કે મંત્રણાઓ ચાલી રહી છે અને તેહરાન માટે સારી સમજૂતી પર હસ્તાક્ષર કરવાની આ "છેલ્લી તક" છે. બીજી તરફ, ઇરાને નકારી કાઢ્યું છે કે કોઈ મંત્રણા થઈ રહી નથી કે નથી તેનું કોઇ આયોજન. ટ્રમ્પે જણાવ્યું હતું કે આ વાતચીત ઇરાન, સાઉદી અરેબિયા, સંયુક્ત આરબ અમીરાત (UAE) અને કતાર સહિતના દેશોની વિનંતી પર થઈ રહી છે.

ઇરાનનું નિવેદન અને હોર્મુઝની ખાડીની સ્થિતિ

ઇરાની વિદેશ મંત્રાલયના પ્રવક્તા ઇસ્માઈલ બઘાઈએ જણાવ્યું હતું કે અમેરિકા સાથે કોઈ વાટાઘાટો થઈ રહી નથી અને કોઈ બેઠકો નિર્ધારિત નથી. હોર્મુઝની ખાડીમાં શિપિંગ પ્રવૃત્તિઓ અત્યંત મંથર રહી છે, જ્યાં સોમવારે માત્ર 6 જહાજો (3 ટેન્કર અને 3 બલ્ક કેરિયર) આ માર્ગથી પસાર થયા હતા. યુકે મેરિટાઇમ ટ્રેડ ઓપરેશન્સ (UKMTO) એજન્સીના જણાવ્યા અનુસાર, ઓમાનના કિનારે ખાડી પાસે એક કાર્ગો જહાજ અજ્ઞાત પ્રોજેક્ટાઇલથી હિટ થયાનું પ્રસારિત થયું હતું.

ક્રૂડના ભાવમાં ઘટાડો અને શેરબજારમાં ઉછાળો

તણાવ હળવો થવાની આશા વચ્ચે સોમવારે ક્રૂડના ભાવમાં ઘટાડો નોંધાયો હતો અને મુખ્ય શેરબજારોમાં વધારો થયો હતો. બ્રેન્ટ ક્રૂડ ફ્યુચર્સ આશરે 7% ઘટીને આશરે $83.77 પ્રતિ બેરલ પર પહોંચી ગયું છે, જ્યારે ડાઉ જોન્સ રૅકોર્ડ ઉચ્ચ સ્તરે બંધ થયો હતો. એશિયન શેરો અને ક્રૂડના ભાવ મંગળવારે ઊંચા સ્તરે જોવા મળ્યા હતા.

ટ્રમ્પની પ્રતિક્રિયા અને યુદ્ધની પૃષ્ઠભૂમિ

ટ્રમ્પે ટ્રુથ સોશિયલ પર એક પોસ્ટમાં ઇરાનના નેતૃત્વને "અવિશ્વસનીય રીતે દ્વિઅર્થી" ગણાવ્યું હતું અને દાવો કર્યો હતો કે યુએસ નેવીનું હોર્મુઝની ખાડી પર સંપૂર્ણ નિયંત્રણ છે. ટ્રમ્પે પાંચ મહિના પહેલાં ઇઝરાયલ સાથે મળીને "ઓપરેશન એપિક ફ્યુરી" શરૂ કર્યું હતું, ત્યારથી તેઓ વારંવાર લશ્કરી કાર્યવાહીની ધમકી આપે છે અને બાદમાં રાજદ્વારી સંપર્કોનો હવાલો આપીને પીછેહઠ કરે છે. જુલાઈની શરૂઆતમાં બંને દ્વારા હસ્તાક્ષર કરાયેલ મેમોરેન્ડમ ઑફ અંડરસ્ટેન્ડિંગ(MoU)ના પતન પછી ઇરાને જાહેરમાં વાશિંગ્ટન સાથેની વાટાઘાટોને ફગાવી દીધી છે.