ઘરેણાં પરત નહીં આપતા યુવાને ફિનાઇલ ગટગટાવી લીધુ

ગંભીર હાલતે યુવાનને હોસ્પિટલે ખસેડવામાં આવ્યો 

સોનાની પોંચી અને કાકીની સોનાની સર શખ્સે લઈ લીધી હતી

ભાવનગર - મોતીતળાવ રોડ રેલવે સ્ટેશન પાછળ રહેતા યુવાને સોનાનાં ઘરેણાં પર રૃપિયા લીધા હોય અને શખ્સ પાસે ઘરેણાં પરત માગ્યા ત્યારે ઘરેણાં પરત નહીં આપી ગાળો આપી જાતિ વિશે અપમાનિત કરતો હતો. આ ત્રાસથી કંટાળી યુવાને ફિનાઇલ ગટગટાવી લીધી હતું.

શહેરના મોતી તળાવ રોડ રેલવે સ્ટેશન પાછળ રહેતા અતુલભાઈ પુનાભાઈ પરમારને રૃપિયાની જરૃર હોય અતુલભાઈએ અકરમ ગીગાભાઈને સોનાની પોચી જે મુસ્તુ ફાઈનાન્સમાં મૂકી ગોલ્ડ લોન લીધેલ હોય આ લોન ભરપાઈ કરી સોનાની પોચી છોડાવી અકરમે તેની પાસે રાખેલ હતી. અને અતુલભાઈ તેને કહેલ કે પાસે પૈસાની સગવડ થશે એટલે હું તારી પાસેથી લઈ જઈશ તેમ કહી અતુલભાઈ તેને દર મહિને રૃપિયા ૩,૫૦૦ ચૂકવાતા હતા અને તેના પછી ગઈ તા.૦૮ ફેબુ્રઆરી ૨૦૨૫ના રોજ અતુલભાઈને પૈસાની જરૃર પડતા કાકી મંગુબેનની કાનમાં પહેરવાની સર અકમનને આપી તેની પાસેથી રૃ.૧૫,૦૦૦ લીધેલ હતા. આ વાતને ત્રણેક મહિનાથી પછી અતુલભાઈ તેની પાસે ગયેલ અને મારી પોચી તથા કાકીની સોનાની કાનમાં પહેરવાની સર પૈસા ભરી અને પાછી માંગતા તે મને બહાના કાઢી પાછી આપેલ નહીં જેથી મેં તેને ઘણી વખત રિક્વેસ્ટ કરેલ કે મારી પોચી તથા સર પાછી આપી દે અને તારા જે પૈસા થાય તે હું તને આપી દઈશ પરંતુ અકરમ માનેલ નહીં અને અતુલભાઈને કહેલ કે તારી કોઈ વસ્તુ આપવાની નથી તારે જે પોલીસ ફરિયાદ કરવી હોય તે કરી દેજે તેમ કહી જાતિ વિશે અપમાનિત કરતો હતો. અતુલભાઈ આ ત્રાસથી કંટાળી ઘરે ફીનાઈલ અને બીપીના ટીકડા ખાઈ લીધા હતા. અતુલભાઈને ગંભીર હાલતે હોસ્પિટલે ખસેડવામાં આવ્યા હતા. આ બનાવ સંદર્ભે અતુલભાઈ શખ્સ વિરૃધ્ધ બોરતળાવ પોલીસ મથકમાં ફરિયાદ નોંધાવતા પોલીસે વધુ તપાસ હાથ ધરી છે.