Surat Corporation : સુરત પાલિકાના બજેટમાં ભારતમાં સૌપ્રથમ એક્ટિવેટેડ કાર્બન સહિત સિરામિક મેમ્બ્રેન ફિલ્ટરેશન અંગેનો આધુનિક ટેકનોલોજીવાળો 160 MLD ક્ષમતાનો વોટર ટ્રીટમેન્ટ પ્લાન્ટનું રાંદેર ઝોનમાં બનાવવા આયોજન થયું છે. આ પ્લાન્ટ વિશ્વનો પ્રથમ સૌથી મોટો એડવાન્સ્ડ ડ્રિંકિંગ વોટર ટ્રીટમેન્ટ બનશે તેમાં પોલી ફ્લોરો આલ્કીલ પદાર્થો દૂર કરવાની જોગવાઈ કરવામાં આવી છે. આ પ્લાન્ટ સિરામિક અલ્ટ્રા ફિલ્ટરેશન મેમ્બ્રેન પર આધારિત રહેશે. સુરત મ્યુનિસિપલ કોર્પોરેશન દ્વારા શહેરના પાણી પુરવઠા અને પર્યાવરણ સંરક્ષણ માટે અદ્યતન ટેકનોલોજી આધારિત અનેક મહત્વના પ્રોજેક્ટનું લોકાર્પણ અને શિલાન્યાસ કરવામાં આવ્યું છે. રાંદેર ખાતે વિશ્વનો પ્રથમ સૌથી મોટો 160 MLD એડવાન્સ્ડ ડ્રિંકિંગ વોટર ટ્રીટમેન્ટ પ્લાન્ટ બનશે. 121 કરોડના આ પ્રોજેક્ટમાં ફોરએવર કેમિકલ્સ’ દૂર કરવાની સુવિધા છે.
આ સાથે સુરતના વરિયાવ ખાતે ઝીરો લિક્વિડ ડિસચાર્જ સાથે 250 MLD વોટર ટ્રીટમેન્ટ પ્લાન્ટ. 129 કરોડના ખર્ચે બનાવવામાં આવશે. આ બંને મોડલ પ્લાન્ટો, એન્વાયરો કન્ટ્રોલ પ્રાઇવેટ લિમિટેડ સી.એસ.આર. ફંડમાંથી બનાવશે.
