ચૂંટણી પૂર્વે સ્થાયી સમિતિમાં રાજકીય અને વહીવટી હુસાતુસીમાં અટવાયેલા રૂ. 230 કરોડના કામ રજુ

છેલ્લા ઘણા સમયથી પાલિકામાં સત્તાધારી પક્ષ અને વહીવટી વિભાગ વચ્ચે ચાલતી હુસાતુસીના કારણે અનેક કામો અટવાલા હતા. જેમાં ચૂંટાયેલી પાંખ તરફ પદાધિકારીઓ અને વહીવટી પાંખ તરફ મ્યુનિસિપલ કમિશનર વિભાગ વચ્ચે કેટલાક કામ બાબતે એકમત ન હોવાથી તે કામ સ્થાયી સમિતિના એજન્ડા પર ચઢાવવામાં ન આવતા હોવાનો ગણગણત હતો. ત્યારે હવે જાણે અચાનક ચૂંટણીના દિવસો નજીક આવી ગયા હોય તેમ પાલિકાની સ્થાયી સમિતિમાં એક ઝાટકે રૂ.230 કરોડના કામો રજૂ કરી દેવામાં આવ્યા છે. આવેલા કામો પૈકી મોટાભાગના કામો અંદાજથી વધુ રકમના છે જેના લીધે પાલિકાએ વધારાનું નાણા ભંડોળ ખર્ચવું પડશે. મહત્વની બાબત તો એ છે કે, ફ્યુચરીસ્ટ્રીક પ્લાનિંગ સેલનું જે કામ છે તે તો અંદાજથી 20 ટકા ઉંચી કિંમતે રજૂ કરવામાં આવ્યું છે.

કામોની વિગત જોઈએ તો બિલ્ડીંગ પ્રોજેક્ટ શાખા દ્વારા પશ્ચિમ ઝીનમાં આવેર અફીયા ટીપી 01 એફ.પી. 76માં નવીન સ્વીમીંગ પુલ બનાવવાના કામે ઈજારદાર વી.સી. પ્રોજેક્ટ એન્ડ ઇન્ફ્રા પ્રા.લી. કંપનીના નેટ અંદાજીત ૨કમ રૂ. 11,56,35,569ની સાપેક્ષમાં 7% વધુ મુજબના રૂ.12,37,30,059 (GST સિવાય)ના ટકાવારી ભાવપત્ર આવ્યું છે. દક્ષિણ ઝોનમાં આવેલ માંજલપુર સ્મશાનની સામે ટી.પી. 19, એફ.પી.194માં નવીન સ્વીમીંગ પુલ બનાવવા ઈજારદાર વી.સી. પ્રોજેક્ટ એન્ડ ઇન્ફ્રા પ્રા.લી. કંપનીના નેટ અંદાજીત રકમ રૂ. 11,56,35,569ની સાપેક્ષમાં 7% વધુ મુજબ રૂ.12,37,30,059 (GST સિવાય)ના ટકાવારી ભાવપત્ર રજૂ થયું છે. પૂર્વ ઝીનમાં સયાજીપુરા ખાતે શ્રીજી વિવાની સામે આવેલ બગીયામાં નવીન યોગ સેન્ટર બનાવવાના કામે ઈજારદાર યશ કન્સ્ટ્રક્શનના નેટ અંદાજીત રકમ રૂ.19669,391ની સાપેક્ષમાં 4.77% વધુ મુજબ રૂ.2,06,07,621 (GST સિવાય)ના ટકાવારી ભાવપત્રને મંજુરી આપવાની ભલામણ છે.

ફ્યુચરિસ્ટિક પ્લાનિંગ સેલ અંતર્ગત વડસર તળાવ નવીનીકરણ કરવાની કામગીરી અર્થે ઇજારદાર મે. એકમે કન્સ્ટ્રક્શનના નેટ અંદાજીત રકમ રૂ.4,68,02,487થી 20.50% વધુ મુજબ રૂ.5,63,96,997ના (% Rate Basis) બિનશર્તીય ભાવપત્રકને મંજુર કરવાની કમિશ્નર તરફથી ભવામણ આવી છે.