વડોદરાઃ પત્નીના અવસાન બાદ બીજી મહિલા સાથે રહેતા પિતાને બે પુત્રોએ મકાન ખાલી કરવાની ધમકી આપતાં તેમણે પોલીસ ફરિયાદ કરી છે.
સુભાનપુરાની રેસકોર્સ સોસાયટીમાં રહેતા હરિશભાઇ ઠાકોરે પોલીસને કહ્યું છે કે,મારી પત્નીના અવસાન બાદ હાલમાં હું બીજી મહિલા સાથે રહું છું.જેથી મારા પુત્ર રાજ અને રાજા મને ધમકીઓ આપી રહ્યા છે.
અગાઉ તેમણે મને માર મારતાં મેં ફરિયાદ કરી હતી.હવે તેમણે ત્રણ દિવસમાં મકાન ખાલી નહિ કરે તો જોઇ લેશું તેવી ધમકી આપી છે.જેથી પોલીસે બંને પુત્ર સામે ગુનો નોંધ્યો છે.
