અટલાદરામાં જૂના ઝઘડાની અદાવતે બે મિત્રો પર હુમલો

વડોદરા,અટલાદરામાં જૂના ઝઘડાની અદાવત રાખી બે મિત્રો પર લોખંડની પાઇપ અને ડંડા વડે હુમલો કરી આરોપીઓ ભાગી ગયા હતા. જે અંગે અટલાદરા પોલીસે તપાસ  હાથ ધરી છે.

અક્ષર ચોક પાસે અક્ષર રેસિડેન્સીમાં રહેતા ટેકનિશિયન ધવલ રમેશભાઇ ચૌહાણે અટલાદરા પોલીસ સ્ટેશનમાં ફરિયાદ નોંધાવી જણાવ્યંુ છે કે, હું અગાઉ પંચમુખી વુડાના મકાનમાં વાસણા રોડ ખાતે રહેતો  હતો. ત્યાં મારી બાજુના  બ્લોકમાં તરૃણ ઠાકોર રહેતા હતા. તેમની સાથે મારે સામાન્ય બોલાચાલી થઇ હતી. ગઇકાલે રાત્રે સવા દશ વાગ્યે હું તથા મારો મિત્ર સુનિલ માળી ઘર નજીક બાકડા પર બેઠા હતા. તે દરમિયાન તરૃણ ઠાકોર, ભાવેશ પરમાર, વિક્રમ ઉર્ફે એરટેલ તથા રિકેશ બારિયા આવ્યા હતા. તેઓએ ઝઘડો શરૃ કરતા અમે ઊભા  થઇ ને જતા હતા. તે દર મિયાન રિકેશે ધક્કો મારતાહું નીચે પડી ગયો હતો. તરૃણ ઠાકોરે લોખંડની પાઇપથી માથામાં ફટકો માર્યો હતો જ્યારે અન્ય આરોપીઓએ પણ મને માર માર્યો હતો. મારો મિત્ર સુનિલ છોડાવવા વચ્ચે  પડતા આરોપીઓએ તેને પણ લાકડાના ડંડાથી માર માર્યો હતો.