ભાવનગરની હોસ્પિટલના બીછાને મોત નિપજ્યું
આધેડ ચા પીને પગપાળા ટ્રકમાં બેસવા જતા હતા ત્યારે અકસ્માત સર્જાયો
ધંધુકા - ધંધુકા તાલુકાના વખતપર ગામના પાટીયા નજીક ગત મોડી રાત્રે અજાણ્યા વાહને ટ્રક ડ્રાયવરને અડફેટે લેતા મોત નીપજ્યું હતું.
અમરેલી જિલ્લાના રહેવાસી જયંતીભાઈ (ઉં.વ ૫૫ ) પોતાનો ટ્રક લઈને ફેદરા તરફથી અમરેલી જવા નીકળ્યા હતા. ત્યારે ધંધુકા નજીક ચા પીને પરત પોતાની ટ્રક તરફ જતા હતા.તે દરમિયાન અજાણ્યા વાહને હડફેટે લેતા જેન્તીભાઇને ગંભીર ઇજા થતા ૧૦૮ એમ્બ્યુલન્સ મારફતે હોસ્પિટલે ખસેડવામાં આવ્યા હતા.જ્યાં તેમનું મોત નિપજ્યું હતું.આ ઘટનાની જાણ થતા પોલીસ કાફલો સ્થળ પર દોડી ગયો હતો અને ફરિયાદ નોંધવાની તજવીજ હાથ ધરી છે .
