જામનગરમાં ત્રિપલ અકસ્માત, 3 મહિલા સહિત 5ને ઈજા, ઘટના સીસીટીવીમાં કેદ

Triple Accident In Jamnagar: જામનગરમાં પટેલ કોલોની શેરી નંબર-6માં મંગળવારે(10 ફેબ્રુઆરી) મોડી સાંજે ત્રિપલ અકસ્માત સર્જાયો હતો. કાર, રિક્ષા અને બાઈક વચ્ચે અકસ્માત થતાં ત્રણ મહિલા સહિત 5ને ઈજા પહોંચી હતી. ઈજાગ્રસ્તોને સારવાર માટે હોસ્પિટલ ખસેડવામાં આવ્યા હતા. ત્રિપલ અકસ્માતના બનાવના દ્રશ્યો સીસીટીવીમાં કેદ થતાં વીડિયો સોશિયલ મીડિયામાં વાઈરલ થયો છે.

જામનગરમાં કાર, રિક્ષા અને બાઈક વચ્ચે અકસ્માત

મળતી માહિતી મુજબ, જામનગરમાં પટેલ કોલોની વિસ્તારના મુખ્ય રોડ પર કાર પસાર થઈ રહી હતી, ત્યારે અચાનક એક રિક્ષા વચ્ચે આવી જતાં કારચાલકે એકાએક કારને બ્રેક મારી દીધી હતી. આ દરમિયાન પૂરપાટ ઝડપે આવી રહેલા એક બાઈક ચાલકની રિક્ષા સાથે જોરદાર ટક્કર થઈ હતી. આ ઘટનામાં રિક્ષા માર્ગ પર પલટી મારી ગઈ હતી.

3 મહિલા સહિત 5ને ઈજા

અકસ્માતમાં રિક્ષામાં બેઠેલી બે આધેડ મહિલાઓ અને એક યુવતી સહિત ત્રણ વ્યક્તિ અને બાઈક પર સવાર બે યુવાનોને ઈજાગ્રસ્ત થયા હતા. પાંચેય ઈજાગ્રસ્તોને સારવાર માટે જામનગરની સરકારી જી.જી. હોસ્પિટલમાં તાત્કાલિક અસરથી ખસેડવામાં આવ્યા હતા.

આ પણ વાંચો: જામનગરમાં નુરી ચોકડી પાસે વહેલી સવારે કચરા ગાડી હડફેટે એકટીવા સ્કૂટર ચડી જતાં માતા-પુત્રી ઘાયલ

આ બનાવ સમયે પોતાની દુકાન ભહાર ઉભેલા વેપારીના પગ પાસે જ બાઈક અને રિક્ષા અથડાઈને પડ્યા હતા. જોકે, થાંભલાના કારણે વેપારીનો ચમત્કારિક બચાવ થયો હતો. સમગ્ર ઘટના સીસીટીવીમાં કેદ થઈ હતી.