પોલીસ ફરિયાદમાં સમાધાન કરી લેવા માટે ધમકી

 વડોદરા,પોલીસ ફરિયાદમાં સમાધાન કરી લેવા માટે ધમકી આપવામાં આવતા પાણીગેટ પોલીસે ગુનો દાખલ કર્યો છે.

વાડી ખાનગા મહોલ્લો માસૂમ એપાર્ટમેન્ટમાં રહેતા ૨૦ વર્ષના ફેઝલ ફિરોજભાઇ મકરાણીએ પાણીગેટ  પોલીસ સ્ટેશનમાં ફરિયાદ નોેંધાવી જણાવ્યું છે કે, ગઇકાલે રાત્રે હું તથા મારો મિત્ર આફતાબ પાણીગેટ જી.ઇ.બી. ઓફિસના ઢાળ પર ઊભા હતા. તે દરમિયાન જૂના ઝઘડાની અદાવત રાખી ફેસલ પઠાણ તથા અકવીરે મારી સાથે ઝઘડો કરી માર માર્યો હતો. જ્યારે સામા પક્ષે ફેસલખાન  પઠાણે ફરિયાદ નોંધાવી જણાવ્યું છે કે, જૂના ઝઘડાની કરેલી ફરિયાદનું મનદુખ રાખીને  અદાવત રાખી ફેઝલ મકરાણીએ છરી બતાવી ધમકી આપી હતી કે, સમાધાન કરી લેજે, નહીંતર તને જાનથી મારી નાખીશ.