વડોદરાઃ વડોદરા શહેરમાં ડ્રગ્સના દૂષણને નાથવા માટે એસઓજી જેવી વિશેષ એજન્સીની સાથે સાથે દરેક પોલીસ સ્ટેશનમાં પણ અલાયદી ટીમ કામ કરશે.
વડોદરામાં વધી રહેલા ડ્રગ્સના નેટવર્કને નેસ્તનાબૂદ કરવાના ભાગરૃપે આજે શહેર પોલીસ કમિશનરે તમામ અધિકારીઓ સાથે મીટિંગ કરી હતી.જેમાં ડ્રગ્સના કેસો શોધવા માટે સંકલન,મૂળ સુધી પહોંચવા માટે તપાસ અને કોર્ટ કેસમાં પોલીસે કરવાની કાર્યવાહી, સાયન્ટિફિક પુરાવા,અગાઉ પકડાયેલા આરોપીઓની ગતિવિધિ,આરોપીને વધુમાં વધુ સજા થાય તે માટે કાર્યપધ્ધતિ જેવા મુદ્દે માર્ગદર્શન આપવામાં આવ્યું હતું.
ડ્રગ્સના કેસો માટે હાલમાં એસઓજી, સ્ટેટ મોનિટરિંગ સેલ,ઉપરાંત રેલ્વે અને સીઆઇડીનો તાજેતરમાં બનાવેલા ખાસ સ્કવોડ સહિતની એજન્સીઓ કામ કરી રહી છે.જેમાં સ્થાનિક પોલીસ સ્ટેશનની પણ ટીમો જોડાશે.
પોલીસ કમિશનરે અધિકારીઓને કહ્યું હતું કે,ડ્રગ્સ એડિક્ટને લત છોડાવવા સારવાર અપાવવી પણ મહત્વની જવાબદારી છે.જ્યારે જનજાગૃતિ અભિયાન પણ અગત્યનું છે. પોલીસ દ્વારા લોકોમાં અવેરનેસ આવે તેવા પ્રયાસ પણ કરવામાં આવશે.
એક તરફ ડ્રગ્સ સામે ઝુંબેશ,બીજીતરફ SMC એ ૨૫ લાખનો દારૃ પકડયો
વડોદરામાં દારૃનું નેટવર્ક ચલાવતી લાલુ સિન્ધી ગેંગ સામે ગુજસીટોક હેઠળ કાર્યવાહી કરવામાં આવી હોવા છતાં દારૃનું નેટવર્ક હજી પણ ચાલી રહ્યું છે અને વડોદરા પોલીસની જાણ બહાર ગાંધીનગરની સ્ટેટ મોનિટરિંગ સેલ દ્વારા લાખોની કિંમતનો દારૃ પકડવામાં આવી રહ્યો છે.આજે ડ્રગ્સ સામે ઝીરો ટોલરન્સની નીતિ માટે ચાલતી મીટિંગ દરમિયાન સ્ટેટ મોનિટરિંગ સેલે વડોદરાના અટલાદરા પોલીસ સ્ટેશન વિસ્તારની હદમાંથી રૃ.૨૫ લાખનો દારૃ ઝડપી પાડયો હતો.ઉલ્લેખનીય છે કે,અગાઉ ડ્રગ્સના કેસો કરતી એસઓજીનો જ એક એએસઆઇ લક્ષ્મી ડ્રગ્સના નેટવર્કની સંડોવણીમાં પકડાયો હતો.
નશાયુક્ત કફસીરપ અને ટેબલેટ્સની હેરાફેરી કરતો પેડલર ઝડપાયો
આજવા રોડના દત્તનગરમાં રહેતો સતનામસિંંગ મકનસિંગ સીકલીગર છેલ્લા કેટલાક સમયથી આયુર્વેદિક કફસીરપ તેમજ ટેબલેટ્સની હેરાફેરી કરતો હોવાની વિગતો મળતાં એસઓજીએ દરોડો પાડયો હતો.જે દરમિયાન પોલીસે ઘેનયુક્ત કોડીન સીરપની ૧૨૮ બોટલ(રૃ.૨૩હજાર),ટ્રામાડોલ ટેબલેટ્સ,અલ્પ્રાઝોલમ ટેબલેટ તેમજ રૃ.૬૧ હજાર રોકડા મળી રૃ.એક લાખની મત્તા કબજે કરી હતી.પોલીસ આરોપીના મોબાઇલને આધારે તેના સંપર્કોની તપાસ કરી રહી છે.આરોપી અગાઉ દિલ્હીમાં ચોરીના કેસમાં સંડોવાયેલો હોવાની પણ પોલીસને માહિતી મળી છે.
