SOG ₹37 Lakh Liquor Seizes In Gandhinagar: ગુજરાતમાં આગામી સમયમાં યોજાનારી જિલ્લા અને તાલુકા પંચાયતની ચૂંટણીઓને ધ્યાનમાં રાખીને ગાંધીનગર પોલીસ એક્શન મોડમાં આવી છે. ગાંધીનગર સ્પેશિયલ ઓપરેશન ગ્રુપ(SOG)એ સેક્ટર-28 GIDC વિસ્તારમાં આવેલા એક બંધ ગોડાઉન પર દરોડો પાડીને મોટા પ્રમાણમાં ભારતીય બનાવટનો વિદેશી દારૂ ઝડપી પાડ્યો છે. આ કામગીરી દરમિયાન પોલીસે કુલ 972 બોટલ દારૂ સાથે રૂ.37.75નો મુદ્દામાલ જપ્ત કર્યો છે.
GIDCના બંધ ગોડાઉનમાંથી રૂ.37.75 લાખનો વિદેશી દારૂ ઝડપાયો
ગુપ્ત બાતમીના આધારે SOGની ટીમો પેટ્રોલિંગમાં હતી આ દરમિયાન બાતમી મળી હતી કે, સેક્ટર-28ના એક બંધ ગોડાઉનમાં વિદેશી દારૂનો જથ્થો છુપાવવામાં આવ્યો છે. આ ચોક્કસ માહિતીના આધારે SOGની ટીમે ગોડાઉન પર દરોડો પાડ્યો હતો. જેમાં પોલીસને ગોડાઉનમાંથી નામી બ્રાન્ડની દારૂની બોટલો મળી આવી હતી.
સમગ્ર મામલે સેક્ટર-21 પોલીસ સ્ટેશનમાં પ્રોહિબિશન એક્ટની વિવિધ કલમો હેઠળ ગુનો નોંધવામાં આવ્યો છે. આ રેઈડમાં દારૂનો જથ્થો ક્યાંથી આવ્યો અને કોનો છે તે દિશામાં SOGએ વધુ તપાસ હાથ ધરી છે.
