દમણથી ૨૫.૩૬ લાખનો દારૃ મોકલનારની શોધખોળ

વડોદરા,દમણથી દારૃનો જથ્થો લઇને આવતા  ટ્રક ચાલકને એસ.એમ.સી.એ ઝડપી પાડયો હતો. ૨૫.૩૬ લાખના દારૃના આ  કેસમાં પોલીસે આરોપીને કોર્ટમાં રજૂ કરી રિમાન્ડ મેળવ્યા છે. 

સ્ટેટ મોનિટરિંગ સેલની ટીમે મળેલી માહિતીના આધારે વોચ ગોઠવી અટલાદરા સ્વામિનારાયણ મંદિર પાસે ભીમ તળાવ પાસેથી દારૃ ભરેલી ટ્રકને ઝડપી પાડી હતી. પોલીસે ૨૫.૩૬ લાખનો દારૃનો જથ્થો, ટ્રક, મોબાઇલ તેમજ રોકડ મળી કુલ રૃા.૩૫.૪૪ લાખનો મુદ્દામાલ કબજે કર્યો હતો. આ કેસની તપાસ માટે પોલીસે ટ્રક ડ્રાઇવર અશ્વિનીસિંહ માનસિંહ ચૌહાણ (રહે.તલસારી, ઉધવારોડ, પાલઘર, મહારાષ્ટ્ર)ને કોર્ટમાં રજૂ કરી આગામી ૨૨ મી તારીખ સુધીના રિમાન્ડ મેળવ્યા છે. દારૃના સપ્લાયર સચિન મરાઠે (રહે.દમણ) અને સુમીત રાહુલ બોબડો (રહે.વલસાડ)ની શોધખોળ પોલીસે શરૃ કરી છે.  જ્યારે ટ્રકનું  પાયલોટિંગ કરતી કાળા કલરની કાર કોની હતી અને કયા  રસ્તે આગળ ગઇ, તે દિશામાં પણ પોલીસે તપાસ હાથ ધરી છે.