વડોદરા,દારૃબંધીના લીરેલીરા ઉડાડતા બૂટલેગરોની ગેેગ હાલ વડોદરા પોલીસના સકંજામાં છે. આરોપીઓની મિલકતોની પોલીસ તપાસ કરી રહી છે. ત્યારે એવી માહિતી જાણવા મળી છે કે, નામચીન બૂટલેગરોએ તેઓની કરોડોની મિલકતોની સંભાળ રાખવા માટે કેટલાક વ્યક્તિઓને રાખ્યા છે. તેઓ સુધી હજી પોલીસ પહોંચી શકી નથી.
સમગ્ર રાજ્યમાં વિદેશી દારૃ સપ્લાયનો કરોડો રૃપિયાનો કારોબાર કરતી ગેંગ લાંબા સમયથી ગુજસીટોકથી બચતી રહી હતી. પરંતુ, એસ.એમ.સી.એ ઉપરાછાપરી બે રેડ પાડતા છેવટે લાલુ સિન્ધી ગેંગ સામે ગુજસીટોકનો ગુનો દાખલ થયો હતો. આ ગેંગના એક પછી એક સાગરીતો પોલીસના હાથે ઝડપાઇ રહ્યા છે. ગઇકાલે જ તપાસ અધિકારીએ લાલુ સિન્ધીના કોર્ટમાંથી રિમાન્ડ મેળવ્યા હતા. પોલીસ દ્વારા બૂટલેગરોની આવક અને મિલકતોની તપાસ કરવામાં આવી રહી છે. તપાસ દરમિયાન એવી વિગતો પ્રકાશમાં આવી હતી કે, વર્ષ - ૨૦૦૮ માં લાલુ સિન્ધી તથા સુનિલ ઉર્ફ અદાની આર્થિક પરિસ્થિતિ સારી નહતી. જેથી, તેઓએ શરૃઆતમાં વારસિયા વિસ્તારમાં દારૃનો ધંધો કરતા ચેતન સિન્ધી પાસેથી દારૃની ૧૦ થી ૧૫ બોટલ લઇને કમિશન પર વેચાણ કરતા હતા. તેમાં તગડો નફો દેખાતા તેઓેએ ધીરે ધીરે દારૃના ધંધાનો વ્યાપ વધાર્યો હતો. ૧૦ બોટલથી દારૃનો ધંધો શરૃ કરનાર લાલુ અને સુનિલ અદાએ એક ગેંગ બનાવી સમગ્ર ર ાજ્યમાં દારૃનો સપ્લાય શરૃ કર્યો હતો. આ ગેંગના સભ્યોએ છેલ્લા દસ વર્ષ દરમિયાન વડોદરા ઉપરાંત આણંદ, ભરૃચ, અમદાવાદ ગ્રામ્ય અને નવસારી જેવા અનેક જિલ્લાઓમાં સક્રિય રહીને હત્યા, ખંડણી, ધાડ, સરકારી નોકર પર હુમલો, આર્મ્સ એક્ટ અને મોટા પાયે વિદેશી દારૃની ગેરકાયદેસર હેરાફેરી જેવા કુલ ૧૦૬ જેટલા ગંભીર ગુનાઓ આચરીને પ્રજામાં ભારે ભયનો માહોલ ઊભો કર્યો હતો.
