Jamnagar Liquor Raid : જામનગર શહેર અને જિલ્લામાં પ્રોહિબિશન એક્ટ હેઠળ પોલીસે અલગ અલગ વિસ્તારોમાં દરોડા પાડી ઇંગ્લિશ દારૂના જથ્થા સાથે ત્રણ આરોપીઓને ઝડપી પાડ્યા છે. પોલીસે કુલ મળીને દારૂની અનેક બોટલો કબ્જે કરી વધુ તપાસ હાથ ધરી છે.
પ્રથમ બનાવમાં જામનગર શહેરના સીટી ‘એ’ ડિવિઝન પોલીસ સ્ટેશન વિસ્તારમાં આવેલ સાધના કોલોની ગેટ નં.3 પાસે પોલીસે દરોડો પાડી પિયુષ ઉર્ફે પટેલકાકુ ખત્રી મુકુંદરાય કાકુ (ઉ.વ.47)ને ભારતીય બનાવટના વિદેશી દારૂ “ઓલ સિઝન રિઝર્વ વિસ્કી”ના 4 સીલબંધ ચપટા સાથે ઝડપી પાડ્યો હતો. પોલીસે રૂ.4,000નો મુદ્દામાલ કબ્જે કર્યો હતો.
બીજા બનાવમાં લાલપુર પોલીસ સ્ટેશન વિસ્તારમાં ચાર થાંભલા નજીક આવેલ રહેણાક મકાનેથી હેમલ હસમુખભાઈ સાદરીયા (ઉ.વ.25)ને “ક્લાસિક ઓલ્ડ હેબીટ વિસ્કી” નામની 180 એમએલની કુલ 20 સીલબંધ બોટલ સાથે ઝડપી પાડવામાં આવ્યો હતો. પોલીસે અંદાજે રૂ.2,000નો દારૂ કબ્જે કર્યો હતો.
ત્રીજા બનાવમાં મેઘપર (પડાણા) પોલીસ સ્ટેશન વિસ્તારમાં સીક્કા પાટીયા પાસે આવેલી તુલશી હોટલની બાજુમાં જાહેર સ્થળેથી પરેશભાઈ અરજણભાઈ ખાવડુ (ઉ.વ.25)ને ઇંગ્લિશ દારૂની 2 બોટલ સાથે ઝડપી પાડવામાં આવ્યો હતો. પોલીસે રૂ.એક લાખનો મુદ્દામાલ કબ્જે કર્યો હતો.
ત્રણેય બનાવોમાં સંબંધિત પોલીસ સ્ટેશનોમાં પ્રોહિબિશન એક્ટ કલમ 65(એ) તથા 116(બી) હેઠળ ગુનાઓ નોંધી આગળની કાર્યવાહી હાથ ધરવામાં આવી છે.
