છેલ્લા 6 મહિનાથી સગીરાનું શખ્સોએ જાતિય શોષણ કર્યું
ઘરેથી નિકળી જતી સગીરાને નવ શખ્સો અલગ-અલગ સ્થળે લઈ જઈ દુષ્કર્મ આચરતા, ગઢડા પોલીસમાં ગુનો નોંધાયો
ગઢડા: બોટાદ જિલ્લાના ગઢડા પંથકની એક મનોદિવ્યાંગ 14 વર્ષિય સગીરાનું છેલ્લા ૬ મહિનાથી નવ શખ્સોએ જાતિય શોષણ કર્યાંના ચકચારી બનાવમાં ગઢડા પોલીસ મથકમાં નવ શખ્સો સામે બીએનએસ અને પોક્સોની જુદી-જુદી કલમો હેઠળ ગુનો નોંધાયા બાદ પોલીસે આ મામલે આઠ આરોપીઓને ઝડપી લઈ કાયદેસરની કાર્યવાહી હાથ ધરી છે.
બોટાદ જિલ્લાના ગઢડા(સ્વામીના) પંથકના એક પરિવારની મનોદિવ્યાંગ ૧૪ વર્ષિય સગીરા માનસિક તકલીફના કારણે અવારનવાર ઘરેથી નિકળી જતી હતી. થોડા દિવસ પહેલા સગીરા ગઢડા જતા મોડેથી પરત ફરી હતી. જેથી ખેતીકામ કરી ગુજરાન ચલાવતા સાધારણ પરિવારના પિતાએ દિકરીને મોડુ થવા બાબતે પુછતા તેમના પંથકના કુલ નવ શખ્સો છેલ્લા છ મહિનાથી તેની સાથે દુષ્કર્મ આચરી અને ગેંગરેપ કરતા હોવાની ચોંકાવનારી વિગત સગીરાના પિતા સામે આવતા સગીરાના પિતાએ સગીરા માનસિક તકલીફનો ગેરલાભ ઉઠાવી સગીરાને લલચાવી ફોસલાવી અને ખોટી સહાનુભૂતિ બતાવી પોતાની જાળમાં ફસાવી હતી. છેલ્લા છ મહિનાથી ૨૩ માર્ચ ૨૦૨૬ સુધી ગઢડા પંથકમાં અલગ-અલગ બે સ્થળોએ દુષ્કર્મ આચર્યું હતું. સગીરાનું જાતિય શોષણ કરનારા નવ શખ્સો સામે ગઢડા પોલીસ મથકમાં સગીરાના પિતાએ ફરિયાદ નોંધાવતા ગઢડા પોલીસે બીએનએસ અને પોક્સો એક્ટની જુદી-જુદી કલમો હેઠળ ગુનો નોંધી દુષ્કર્મ આચરનારા આઠ આરોપીને ઝડપી લઈ પુછપરછ હાથ ધરી છે. જ્યારે બાકીના એક આરોપીની શોધખોળ ચાલી રહી છે.
સગીરા સાથે દુષ્કર્મ આચરનાર આરોપીઓ
- નારણ ઉર્ફે ઘૂલી નાગરભાઈ રાઠોડ
- સુરેશ ઉર્ફે સુરી નાગરભાઈ રાઠોડ
- સોયબ ઈકબાલભાઈ ચૌહાણ
- પૂર્વેશ અજયભાઇ ધોરપડે
- અલ્પેશ ઉર્ફે અક્કુ પંકજભાઈ મહેતા
- આકાશ રમેશભાઈ પરમાર
- અજય ઉર્ફે અજ્જુ અરવિંદભાઈ મારુ
- દોલતસિંહ ઉર્ફે પીન્ટુ ભુપતભાઈ પઢિયાર
- હમીર ડાંગર (અટકાયત બાકી)
