ઇન્ટાગ્રામમાં બંદૂક સાથે ફોટો, વીડિયો મુકનાર શખ્સ ઝડપાયો

મોરબી એસઓજી દ્વારા કાર્યવાહી

બંદુક આપનાર સરતાનપરના પરવાનેદારની પણ અટક

મોરબી એસઓજી ટીમે ઇન્ટાગ્રામમાં બાર બોરની બંદૂક સાથેનો વિડીયો અને ફોટો અપલોડ કરનાર વાંકાનેરના સરતાનપર ગામના ગોરધન વેરશીભાઈ સરાવાડિયા (ઉ.વ.૨૩)ને ઝડપી પૂછપરછ તેણે એકાદ મહિના પૂર્વે  મોબાઈલમાં સંબંધી અલુભાઈ શામજીભાઈ ઉડેચાના લાયસન્સ વાળી બંદૂક લઇ અલુભાઈના ઘરે બંદૂક સાથે ફોટો પાડી સોશ્યલ મીડિયામાં અપલોડ કર્યાનું જણાવ્યું હતું.

જેથી એસઓજી ટીમે આરોપી ગોરધન વેરશી સરાવાડિયા (ઉ.વ.૨૩)  અને અલુભાઈ શામજીભાઈ ઉદેચા (ઉ.વ.૫૫, રહે. બંને સરતાનપર તા. વાંકાનેર)ને ઝડપી લઈને બાર બોર બંદૂક સહિતનો મુદામાલ જપ્ત કરી આરોપીઓ વિરુદ્ધ વાંકાનેર તાલુકા પોલીસ મથકમાં આર્મ્સ એક્ટ મુજબ ગુનો નોંધી વધુ ચલાવી છે.