છોટાઉદેપુરમાં નગરપાલિકાના વોટર વર્કસ પાસે ગેરકાયદે રેતી ખનનથી પાણીના સ્તર ઘટ્યા, નગરજનો તરસ્યા

Sand Mining In Chhota Udepur: છોટાઉદેપુરમાં નગરપાલિકાના વારીગૃહ આસપાસ મોટા પ્રમાણમાં ગેરકાયદે રેતી ખનન કરવામાં આવતું હોવાથી પાણીનું સંકટ સર્જાયું છે. આ મામલે છોટાઉદેપુર નગરપાલિકાના ભાજપના સત્તાધીશોએ વિરોધ નોંધાવીને કલેક્ટરને આવેદન પત્ર આપ્યું છે.

છોટાઉદેપુરમાં થતાં ગેરકાયદે ખનન મામલે વારંવાર રજૂઆત કરવા છતાં રેતી ખનનની પ્રવૃત્તિ બંધ ન થતાં નગરજનોમાં પાણીની મુશ્કેલી ઉભી થઈ છે. નગરના રંગપુર નાકા પાસે તથા ફતેપુરામાં નગરપાલિકાના પાણીના વોટર વર્કસ આવેલા છે, જેની આસપાસ ટ્રેક્ટરો મારફત મોટા પ્રમાણમાં રેતી ખનન થઈ રહ્યું છે. આમ, ખનનની પ્રવૃત્તિને પગલે વોટર વર્કસને નુકસાન થઈ રહ્યું છે અને પાણીના સ્તર નીચે જઈ રહ્યા હોવાનું સ્થાનિકોએ જણાવ્યું છે. 

આ પણ વાંચો: ગુજરાત પર કમોસમી વરસાદનું સંકટ, આગાહી વચ્ચે દેવભૂમિ દ્વારકામાં ગાજવીજ અને પવન સાથે માવઠું

સમગ્ર ઘટનાને પગલે નગરપાલિકાને હાફેશ્વર યોજનામાંથી વેચાતું પાણી લાવવાની ફરજ પડી રહી છે. જેમાં રૂ.70 લાખ જેટલા સરકારને ચૂકવવાના બાકી છે. નગરપાલિકાના સત્તાધિશોએ જિલ્લા કલેકટરને આવેદનપત્ર આપી રેતી ખનન અટકાવવા માટે રજૂઆત કરી હતી.