ગુજરાત ATSનો મુંબઈમાં સપાટો! 22 કિલો એટોમિડેટ સાથે 2 આરોપી ઝડપાયા, ઈન્ટરનેશનલ ડ્રગ નેટવર્કનો ભંડાફોડ

Gujarat ATS: ગુજરાત ATSએ દેશમાં પ્રતિબંધિત સાઇકોઆક્ટિવ પદાર્થ એટોમિડેટની હેરફેર કરતું ઈન્ટરનેશનલ નેટવર્ક ઝડપ્યું છે. ATSએ કુલ 22 કિલોગ્રામ જેટલો એટોમિડેટ જપ્ત કરી બે આરોપીઓને ઝડપી પાડ્યા છે. ATSએ આરોપીઓ સામે એન.ડી.પી.એસ. એક્ટ હેઠળ ગુનો નોંધ્યો છે અને વધુ તપાસ શરૂ કરી છે.

કરોડોની કિંમતનું 22 કિલો એટોમિડેટ જપ્ત

મળતી માહિતી અનુસાર, ગુજરાત ATSને મળેલી બાતમીના આધારે મુંબઈ એરપોર્ટ સહિત દેશના વિવિધ વિસ્તારોમાં તપાસ હાથ ધરવામાં આવી હતી. આ તપાસ દરમિયાન આરોપીઓ દ્વારા વિદેશથી ગેરકાયદે રીતે એટોમિડેટ મંગાવી તેને દેશમાં વિવિધ સ્થળોએ પહોંચાડવામાં આવતો હોવાનો ઘટસ્ફોટ થયો હતો. ATSએ આરોપીઓ સામે એન.ડી.પી.એસ. એક્ટ હેઠળ ગુનો નોંધ્યો છે અને વધુ તપાસ શરૂ કરી છે. તપાસ દરમિયાન આરોપીઓ પાસેથી લગભગ 22 કિલોગ્રામ જેટલો પ્રતિબંધિત પદાર્થ જપ્ત કરવામાં આવ્યો છે, જેની આંતરરાષ્ટ્રીય બજારમાં કરોડો રૂપિયાની કિંમત હોવાનું માનવામાં આવે છે.

આ પણ વાંચો: કાળઝાળ ગરમી: અમદાવાદમાં આજે 'ઑરેન્જ ઍલર્ટ', રાજ્યમાં હીટવેવની આગાહી, પારો 41 ડિગ્રીને પાર પહોંચશે

ATSએ જણાવ્યા મુજબ આ નેટવર્ક દ્વારા વિદેશમાંથી ડ્રગ્સ મંગાવી ભારતમાં સપ્લાય કરવાનું મોટું ષડયંત્ર ચાલી રહ્યું હતું. હાલ ઝડપાયેલા આરોપીઓ પાસેથી મળેલી માહિતીના આધારે અન્ય સંડોવાયેલા લોકો અને નેટવર્ક સુધી પહોંચવા માટે તપાસ વધુ કરવામાં આવી રહી છે.