ભારતમાં સ્માર્ટ ટ્રાફિક મેનેજમેન્ટ માટે GSV અને ઓસ્ટ્રેલિયાની ટ્રાન્સપોર્ટ NSW વચ્ચે સમજુતી

Vadodara : ગતિ શક્તિ વિશ્વવિદ્યાલય (GSV) અને ઓસ્ટ્રેલિયાની ટ્રાન્સપોર્ટ ન્યૂ સાઉથ વેલ્સ (Transport NSW) વચ્ચે ટ્રાફિક મેનેજમેન્ટ સિસ્ટમ માટે સમજૂતી કરાર (MoU) પર હસ્તાક્ષર કરવામાં આવ્યા હતા. GSVના ઉપકુલપતિ પ્રો. મનોજ ચૌધરી અને ટ્રાન્સપોર્ટ NSWની એક્ઝિક્યુટિવ ડિરેક્ટર (SCATS)  અડેલ બીચલીએ હસ્તાક્ષર કર્યા હતા.

આ સમજૂતી અંતર્ગત ભારતની ટ્રાફિક પરિસ્થિતિને ધ્યાનમાં રાખી SCATS ટેક્નોલોજીનો પાયલોટ પ્રયોગ કરવામાં આવશે હાર્ડવેરની ખરીદી ‘મેક ઈન ઈન્ડિયા’ પહેલ હેઠળ કરવામાં આવશે. સાથે જ GSV દ્વારા SCATS સોફ્ટવેર આધારિત એક્ઝિક્યુટિવ તાલીમ કાર્યક્રમો વિકસાવવામાં આવશે, જેના માધ્યમથી ભારતીય પરિસ્થિતિને અનુરૂપ તાલીમ અને સંશોધન હાથ ધરાશે. આ પ્રસંગે ઓસ્ટ્રેલિયાના અનેક ઉચ્ચ અધિકારીઓ હાજર રહ્યા હતા. પ્રો. મનોજ ચૌધરીએ જણાવ્યું કે આ સહયોગ ભારતના સ્માર્ટ અને ટકાઉ પરિવહન ક્ષેત્ર માટે મહત્વપૂર્ણ છે. SCATS ટેક્નોલોજીને ભારતીય ટ્રાફિક સ્થિતિને અનુરૂપ બનાવી રાષ્ટ્રીય સ્તરે અમલી બનાવવાનો પ્રયાસ કરવામાં આવશે.