પોલીસે ગુનો દાખલ નહી કરતા યુવતીએ આત્મહત્યા માટે પરવાનગી માગી

વડોદરા,શારીરિક છેડતીની અરજીમાં  પોલીસે ગુનો દાખલ નહી ં કરતા કિશોરીએ આત્મહત્યા માટે પરવાનગી માગતી અરજી કરી છે.

વડોદરામાં રહેતી યુવતીએ પોલીસમાં ફરિયાદ આપી જણાવ્યું હતું કે, અગાઉ હું  ૧૬ વર્ષની હતી  ત્યારે મારા જ્ઞાાતિના યુવક સાથે ત્રણ વર્ષ અગાઉ સગાઇ થઇ હતી. મારી ઉંમર ૧૮ વર્ષની થયા પછી  લગ્ન કરવાનું નક્કી થયું હતું.સગાઇ પછી મને લઇને યુવકના  પરિવારજનો ધાર્મિક સ્થળે પણ ગયા હતા. મારી ઉંમર ૧૮ વર્ષની થયા પછી લગ્નની વાત કરતા યુવકના પરિવારે લગ્નની ના પાડી દીધી હતી. સગાઇ દરમિયાન યુવકે શારીરિક સંબંધ બાંધવાની કોશિશ કરતા મેં ના  પાડી દેતા મારી સાથે મારઝૂડ કરી સગાઇ તોડી નાખવાની  તેમજ સમાજમાં ધમકી આપી હતી. યુવતીએ મુખ્ય મંત્રીને અરજી કરી જણાવ્યું છે કે, બે મહિના થવા છતાંય પોલીસે ગુનો દાખલ નહીં કરતા મને આત્મહત્યાની  પરવાનગી આપો.