વડોદરાના છાણી રોડ પર વહેલી સવારે કારમાં આગ લાગતા ફાયર બ્રિગેડ દોડી ગઈ

Vadodara Fire : વડોદરામાં વાહનોમાં આગ લાગવાના અવારનવાર બનાવો બનતા હોય છે ત્યારે આજે વહેલી સવારે વધુ એક બનાવ બનતા લોકો ભેગા થઈ ગયા હતા. 

છાણી રોડ પર વેદા-2 ખાતે આજે વહેલી સવારે એક કારમાંથી ધુમાડા નીકળ્યા બાદ આગ લાગતા લોકોમાં ગભરાટ ફેલાયો હતો. આગ વધુ પ્રસરી રહી હોવાથી ફાયર બ્રિગેડની મદદ લેવામાં આવી હતી. 

ફાયર બ્રિગેડ દ્વારા થોડી જ વારમાં આગને કાબુમાં લેવામાં આવી હતી. ઉપરોક્ત બનાવનું ચોક્કસ કારણ હજી જાણી શકાયું નથી. પરંતુ સારા નસીબે આ બનાવમાં કોઈ જાનહાની થઈ ન હતી.