અમદાવાદ: શિવરંજની BRTS બસ સ્ટેન્ડમાં લાગી આગ, ચાર રસ્તા પર ટ્રાફિક જામ સર્જાયો

Shivranj BRTS bus stand Fire: અમદાવાદના શિવરંજની વિસ્તારમાં આવેલા BRTS બસ સ્ટેન્ડમાં આજે(25 માર્ચ) અચાનક આગ ફાટી નીકળતા સમગ્ર વિસ્તારમાં ભારે અફરાતફરી મચી ગઈ હતી. આગની આ ઘટનાને પગલે શિવરંજની ક્રોસ રોડ પર વાહનોની લાંબી કતારો લાગી હતી અને ભારે ટ્રાફિક જામ સર્જાયો હતો.

ફાયર વિભાગનો કાફલો તાત્કાલિક ઘટનાસ્થળે

ઘટનાની જાણ થતા જ ફાયર વિભાગનો કાફલો તાત્કાલિક સ્થળ પર પહોંચી ગયો હતો અને આગને કાબૂમાં લેવાની કામગીરી હાથ ધરી હતી. બસ સ્ટેન્ડમાં આગ કયા કારણોસર લાગી તે હજુ સુધી જાણી શકાયું નથી, પરંતુ હાલમાં ફાયર ફાઈટર્સ દ્વારા આગ બુઝાવવાની પ્રક્રિયા પૂરજોશમાં ચાલી રહી છે.