નશામાં ધૂત કાર ચાલકે ગાય અને સ્કોપયોને પણ ટક્કર મારી

અમદાવાદ, મંગળવાર

વટવા ગામમાં નશામાં ધૂત કાર ચાલકે રસ્તામાં ઉભેલી ગાયને તથા રોડની સાઇડમાં પાર્ક કરેલી સ્કોપયો કારને ટક્કર મારી હતી. અકસ્માત થતા આસપાસના લોકોએ કાર ચાલકને કારમાંથી બહાર કાઢીને મેથીપાક ચખાડીને પોલીસના હવાલે કર્યો હતો. કારમાંથી દારુની ખાલી બોટલ પણ મળી આવી હતી. જો કે ગાયને તનો માલિક લઇને જતો રહ્યો હતો પોલીસે વાયરલ વિડિયો આધારે વધુ તપાસ હાથ ધરી છે.

અકસ્માતનો વિડિયો વાયરલ થતાં પોલીસ દોડતી થઇ જો કે ગાયને માલિક લઇ ગયો ઃ  કાર ચાલકની ધરપકડ કરીને વધુ તપાસ હાથ ધરી

વટવા ગામમાં રહેતા યુવકે ટ્રાફિક જે ડિવિઝન પોલીસ સ્ટેશનમાં નારોલમાં રહેતા યુવક સામે ફરિયાદ નોંધાવી છે કે આજે સવારે વટવા ઠાકોરવાસ ગેટ પાસે દારુના નશામાં ધૂત આરોપી કાર પૂરઝડપે લઇને જતો હતો.  આ સમયે  રસ્તામાં ઉભેલી ગાયને કાર ચાલકે ટક્કર મારી હતી. જો કે ગાય તરફડિયા મારતી ગાયને માલિક લઇને જતો રહ્યો હતો. બીજીતરફ  કારચાલકે રોડની સાઇડમાં પાર્ક કરેલ સ્કોપયો કારને ટક્કર મારતા કાર ઉભી રહી ગઇ હતી. આસપાસના લોકોએ કાર ચાલકને પકડીને બહાર કાઢતાં તે નશાની હાલતમાં હતો કારમાંથી દરુની ખાલી બોટલ પણ મળી આવતા  લોકોએ કાર ચાલકને મેથીપાક ચખાડીને પોલીસના હવાલે કર્યો હતો.