જોડિયા તાલુકાના ભાદરા પંથકમાં કાચા રસ્તે રેઢી પડેલી એક કાર માંથી ઇંગ્લિશ દારૂ મળી આવ્યો: બુટલેગરની શોધખોળ

જામનગર જિલ્લાના જોડિયા તાલુકાના ભાદરા ગામ નજીક કાચા રસ્તા પર રેઢી પડેલી એક કારમાંથી ઇંગ્લીશ દારૂની બાટલીનો જથ્થો મળી આવ્યો છે. પોલીસે કાર અને દારૂ કબજે કરી લઈ બુટલેગર ની શોધખોળ હાથ ધરી છે.

જોડીયા પોલીસને ચોક્કસ બાતમી મળી હતી કે જોડિયા નજીક બાદનપર ગામ પાસે કનકેશ્વર મહાદેવના મંદિર વાળા કાચા રસ્તા પર એક કાર રેઢિ પડેલી છે, જેમાં શંકાસ્પદ વસ્તુ અથવા ઇંગલિશ દારૂ સંતાડેલો છે. જે માહિતીના આધારે જોડિયા પોલીસે દરોડો પાડ્યો હતો.

જે દરોડા દરમિયાન ઉપરોક્ત રેઢી પડેલી જીજે 12 એ.કે. 7393 નંબરની કાર કે જેની તલાસી લેતાં કારની અંદરથી 72 નંગ ઇંગ્લિશ દારૂની બાટલીનો જથ્થો મળી આવ્યો હતો. જેથી પોલીસે કાર અને દારૂ સહિત 2.80 લાખ ની માલમતા કબજે કરી છે, અને વાહનના રજીસ્ટ્રેશન નંબર ના આધારે બુટલેગર ની શોધ ખોળ હાથ ધરી છે.