વાઘોડિયા નગરપાલિકાના વોર્ડની રચના : સીમાંકન તથા બેઠક ફાળવણી અંગે રાજ્ય ચૂંટણી આયોગે પ્રાથમિક આદેશ પ્રસિદ્ધ કર્યો

Vadodara Corporation : વડોદરા જિલ્લાની વાઘોડિયા નગરપાલિકાના વોર્ડની રચના, સીમાંકન તથા અનામત બેઠકોની ફાળવણી અંગે રાજ્ય ચૂંટણી આયોગે પ્રાથમિક આદેશ પ્રસિદ્ધ કર્યો છે. વર્ષ-2011 ની વસતી ગણતરીના આંકડાના આધારે વાઘોડિયા નગરપાલિકાને કુલ 6 વોર્ડમાં વહેંચવામાં આવી છે અને કાઉન્સિલરોની કુલ 24 બેઠકો નક્કી કરી છે. આ બેઠકોમાં 18 અનામત બેઠકો છે અને 6 સામાન્ય બેઠકો છે.

અનામત બેઠકોમાં 2 બેઠક અનુસૂચિત જાતિ માટે, 4 બેઠક અનુસૂચિત આદિજાતિ માટે, પાંચ (5) બેઠક પછાતવર્ગ માટે અને સામાન્ય વર્ગની મહિલા માટે સાત (7) અનામત બેઠકનો સમાવેશ થાય છે. કુલ 4 બેઠકો પૈકી પચાસ ટકા એટલે કે 12 બેઠકો મહિલાઓ માટે અનામત રાખવામાં આવી છે, જેમાં અનુસૂચિત જાતિ મહિલા માટે એક બેઠક, અનુસૂચિત આદિજાતિ મહિલા માટે બે બેઠક, પછાતવર્ગ મહિલા માટે બે બેઠકો અને બાકીની બેઠકો સામાન્ય વર્ગની મહિલાઓ માટેનો સમાવેશ થાય છે. વોર્ડ નંબર-3 માં એક બેઠક અનુસૂચિત આદિજાતિ માટે, વોર્ડ નં-2 અને 6 ની એક-એક બેઠક અનુસૂચિત જાતિ માટે, વોર્ડ નં-6 ની એક બેઠક અનુસૂચિત જાતિ સ્ત્રી માટે, વોર્ડ નં-1 અને 5 ની બેઠકો અનુસૂચિત આદિજાતિ સ્ત્રી માટે અનામત રાખવામાં આવી છે. વોર્ડ નં-1, 5 અને 4 ની બેઠક પછાતવર્ગ માટે અને વોર્ડ નં-2 અને 3 ની બેઠક પછાતવર્ગ સ્ત્રીને ફાળવવામાં આવી છે. બાકી રહેતી બેઠક બિન અનામત તરીકે ફાળવવામાં આવી છે. વર્ષ-2011 ની વસતી ગણતરીના છેવટના પ્રસિદ્ધ થયેલા આંકડા પ્રમાણે નગરપાલિકાની કુલ વસતી 23,549 છે. નગરપાલિકાને 6 વોર્ડમાં વહેંચતા વોર્ડની સરેરાશ વસતી 3925 જેટલી થાય છે. કોઈપણ વોર્ડની વસતી સરેરાશ વસતીના 10 ટકા વસતીના વધ/ઘટની મર્યાદાથી વધતી કે ઘટતી નથી. આ પ્રાથમિક આદેશ સામે કોઈ પણ નાગરિકને સલાહ સૂચનો કરવાના હોય તો રાજ્ય ચૂંટણી આયોગ (બ્લોક નંબર-9, છઠ્ઠો માળ, સચિવાલય, ગાંધીનગર)ને મોકલી આપવા જણાવાયું છે.