અકોટાની અક્ષરધામ સોસાયટીમાં પીધેલા સ્કોર્પિયો ચાલકે ડિવાઈડર કુદાવી મકાનમાં કાર ઘુસાડી દીધી

Vadodara Accident : વડોદરાના અકોટા વિસ્તારમાં આજે પરોઢિયે એક કાર ચાલકે સ્ટીયરીંગ પરનો કાબુ ગુમાવતા ડિવાઈડર કૂદીને કાર એક મકાનની કમ્પાઉન્ડ વોલમાં ઘૂસી ગઈ હતી.

અકોટાની અક્ષરધામ સોસાયટીમાં આજે પરોઢિયે બનેલા બનાવની વિગત એવી છે કે, પ્રચંડ ધડાકો સાંભળીને લોકો બહાર નીકળી આવતા એક સ્કોર્પિયો કાર કમ્પાઉન્ડ વોલ તોડીને અંદર ઘૂસી આવેલી જોવા મળી હતી. 

કાર ચાલકે સ્ટિયરિંગ પરનો કાબુ ગુમાવતા કાર ડિવાઈડર પર ચડીને મકાનમાં ઘૂસી ગઈ હતી. બનાવવાના સ્થળે લોકો ભેગા થઈ ગયા હતા અને કારચાલકને ઘેરી લીધો હતો. આ બનાવમાં ત્રણ મોટરસાયકલ પણ અડફેટમાં આવતા રહી ગઈ હતી. જ્યારે વોક માટે નીકળેલા લોકો પણ બચી ગયા હતા. 

પોલીસે કારચાલકની તપાસ કરતા તે નશામાં જણાઈ આવ્યો હતો. પૂછપરછ દરમિયાન તેનું નામ સચિન રાજેન્દ્ર કશ્યપ (મહાકાળી માતાના મંદિર પાસે, વાસણા ભાયલી રોડ) હોવાનું જણાઈ આવ્યું હતું.