વડોદરા-દહાણું રોડ ટ્રેનમાં પાસધારકો માટે સ્લીપર કોચની માગ

વડોદરા-દહાણું રોડ ટ્રેનમાં એમ.એસ.ટી. (માસિક સિઝન ટિકિટ) ધારકો માટે સ્લીપર કોચ ઉપલબ્ધ કરાવવા વડોદરા ડી.આર.એમ. (ડિવિઝનલ રેલવે મેનેજર) સમક્ષ રજૂઆત કરવામાં આવી છે.

ડી.આર.યુ.સી.સી. (ડિવિઝનલ રેલવે યુઝર્સ કન્સલ્ટેટિવ કમિટી)ના સભ્ય એમ. હબીબ લોખંડવાલાએ કરેલી રજૂઆતમાં જણાવ્યું છે કે, અગાઉ વડોદરા- દહાણું રોડ ટ્રેનમાં ડી-5, ડી-E, 2-7 અને ડી-8 એમ કુલ ચાર સ્લીપર કોચ એમ.એસ.ટી. ધારકો માટે ફાળવવામાં આવતા હતા, જેમાં રોજબરોજ મુસાફરી કરતા મુસાફરોને રાહત હતી.

જો કે છેલ્લા કેટલાક સમયથી આ સ્લીપર કોચના સ્થાને સિટિંગ ચેર કાર કોચ લગાવવામાં આવ્યા છે. આ કોચમાં બેઠકોની ક્ષમતા મર્યાદિત હોવાના કારણે પાસ ધારકોને ભારે અસુવિધા થઈ રહી છે.

રોજિંદી મુસાફરી કરતા કર્મચારીઓ, વેપારીઓ અને સામાન્ય મુસાફરો પરેશાન થઈ રહ્યા છે.

આથી સિટિંગ ચેર કાર કોચને આરક્ષિત (રિઝર્વેશન) કોચ તરીકે ઉપયોગમાં લઈ, પાસપારકો માટે અગાઉની જેમ સ્લીપર કોચ ફરીથી શરૂ કરવામાં આવે તેવી માગ કરવામાં આવી છે.