દંપતી પર સાસુ સસરા સહિત ચાર લોકોનો હુમલો

ઇજાગ્રસ્ત દંપતીને હોસ્પિટલે ખસેડાયા

ઘર કંકાસને કારણે પતિ પત્નીને પરિવારે ઘરમાંથી કાઢી મૂક્યા હતા

ભાવનગર - બોટાદમાં પરિવારે ઘર કંકાસને કારણે દંપતીને ઘરની બહાર કાઢી મૂક્યા હતા અને દંપતી ઘરવખરી લેવા જતા પોતાના પરિવારે હુમલો કરી ઇજા પહોંચાડી હતી.

બોટાદના ઢાંકણિયા રોડ પર રહેતા કિંજલબેન અક્ષયભાઈ ગાબુને એકાદ અઠવાડિયા પહેલા ઘરકંકાસ થતા અક્ષયભાઈ ગાબુ અને તેના પત્ની કિંજલબેનને ઘરની બહાર કાઢી મૂક્યા હતા. જેથી ગત તા.૧૩ એપ્રિલ ૨૦૨૬ના રોજ ઘરવખરીનો સામાન લેવા માટે પતિ પત્ની આવ્યા હતા. તેવામાં કિંજલબેનના સસરા મનોજ ગાબું અને સાસુ વર્ષાબેન, જેઠ સુનિલ અને જેઠાણી કાજલબેને દંપતીને ગાળો આપી પ્લાસ્ટિકની નોઝલ વડે માર મારી ઇજા પહોંચાડી હતી અને છુટા પથ્થરના ઘા ઝીંકી માર મારતા આસપાસના લોકો એકત્ર થઈ ગયા હતા અને દંપતીને સારવાર માટે હોસ્પિટલે ખસેડવામાં આવ્યા હતા. આ બનાવ સંદર્ભે કિંજલબેનએ સાસુ, સસરા, જેઠ, જેઠાણી વિરુદ્ધ બોટાદ ટાઉન પોલીસ મથકમાં ફરિયાદ નોંધાવતા પોલીસે વધુ તપાસ હાથ ધરી છે.